യോഗിക്കറിയാം, യുപി വിട്ടാൽ എല്ലാം തീർന്നു; ബംഗാളിൽ ഒന്നും തീർച്ചയില്ല, ബിഹാറിലെ ‘കൂട്ട്’ തിരിച്ചടി? നിർണായകം ‘210 സീറ്റ്’

ഇന്ത്യ ആരു ഭരിക്കുമെന്ന ചോദ്യത്തിന്റെ ഉത്തരത്തിലേക്ക് ഇനി മൂന്നാഴ്ചയിൽ താഴെ മാത്രമാണ് ബാക്കി. ആ ഉത്തരത്തിൽ നിർണായകമാവുന്ന സംസ്ഥാനങ്ങളാവട്ടെ തിരഞ്ഞെടുപ്പിന്റെ പോരാട്ടച്ചൂടിലാണ്. ഏറ്റവും അധികം ലോക്സഭ സീറ്റുകളുള്ള യുപി, ബിഹാർ, മഹാരാഷ്ട്ര, ബംഗാൾ എന്നിവിടങ്ങളിലെ 210 സീറ്റുകൾ എങ്ങോട്ടു ചായുമെന്നതിനെ അനുസരിച്ചിരിക്കും തിരഞ്ഞെടുപ്പ് ചിത്രം തെളിയുക. സീറ്റുകൾ കൂടുതലുള്ളത് കൊണ്ടുതന്നെ പലഘട്ടങ്ങളിലായി തിരഞ്ഞെടുപ്പ് നടന്നുവരുന്ന ഈ സംസ്ഥാനങ്ങളിൽ രണ്ട് മാസത്തിനിടെ കാറ്റ് മാറി വീശുന്നുണ്ടോ?