നേരിട്ടുള്ള വ്യക്തിബന്ധങ്ങളിൽ സുപ്രധാനമാണ് ശ്രദ്ധയോടെയുള്ള സംഭാഷണം. അവ്യക്തമായി സംസാരിച്ച് കേൾവിക്കാരെ കുഴക്കുന്നവരുണ്ട്. നിരർഥകമായി, അപ്രസക്ത കാര്യങ്ങൾ സംസാരിക്കുന്നവരുണ്ട്. ‘ദേ, അയാൾ വരുന്നു. നമുക്കു മാറിക്കളയാം. കത്തിവച്ചുകൊല്ലും’ എന്നു പറയിക്കുന്നവരുണ്ട്. ഇതിന്റെ മറുതലയ്ക്കൽ, അത്യാവശ്യകാര്യങ്ങൾ പോലും പറയാതെ മൗനവ്രതം വഴി അന്യരെ സസ്പെൻസിൽ നിർത്തുന്നവരുമുണ്ട്. ഇവരേക്കാളെല്ലാം നമ്മെ പ്രയാസപ്പെടുത്തുന്ന മറ്റൊരു കൂട്ടരുണ്ട്.
