ഹാൻ രാജവംശം ചൈന ഭരിക്കുന്ന കാലത്ത് (206 ബിസി – 220 എഡി) ആണ് ചൈന പടിഞ്ഞാറേക്കുള്ള തങ്ങളുടെ സ്വാധീനം വർധിപ്പിച്ചു തുടങ്ങുന്നത്. അഫ്ഗാനിസ്ഥാൻ മുതൽ ഉസ്ബക്കിസ്ഥാൻ വരെ നീളുന്ന സെൻട്രൽ ഏഷ്യൻ രാജ്യങ്ങളെയും ഇന്ത്യ, പാക്കിസ്ഥാൻ തുടങ്ങിയ ദക്ഷിണേഷ്യൻ രാജ്യങ്ങളെയുമെല്ലാം കൂട്ടിയിണക്കിയുള്ള ‘സിൽക് റൂട്ട്’ ആരംഭിക്കുന്നത് അന്നാണ്. ഏഷ്യയെ യൂറോപ്പുമായി ബന്ധിപ്പിക്കുന്ന, 6500 കിലോ മീറ്ററോളം ദൈർഘ്യമുള്ള സിൽക് റൂട്ടിന്റെ പ്രാധാന്യം അതിന്റെ മൂർധന്യത്തിലെത്തിയത് എഡി 900 കാലഘട്ടത്തിലാണ്. എന്നാൽ അധികം വൈകാതെതന്നെ ഈ പാതയുടെ നല്ലകാലം അസ്തമിക്കുകയും ചെയ്തു.