നിഷേധചിന്ത വേണോ?

ശുഭപ്രതീക്ഷയും നിഷേധചിന്തയും തമ്മിലുള്ള മൽപ്പിടിത്തമാണ് ജീവിതമെന്നു പറയാറുണ്ട്. നല്ലതു വരുമെന്ന മനോഭാവം വച്ചുപുലർത്തുന്നവർക്കു പല സൗകര്യങ്ങളുമുണ്ട് – മികച്ച മാനസികാരോഗ്യം, പരിശ്രമങ്ങൾ വിജയിക്കുമെന്ന വിശ്വാസം, കുറഞ്ഞ പിരിമുറുക്കം, വെല്ലുവിളികളെ പുഞ്ചിരിയോടെ നേരിടുന്ന സമീപനം, കഴിവുകൾ പരമാവധി പ്രയോജനപ്പെടുത്താനുള്ള സാധ്യത... ഇത്രയൊക്കെ ഗുണങ്ങളുണ്ടെങ്കിലും ശുഭപ്രതീക്ഷ അതിരുകടക്കാതിരിക്കാനുള്ള കരുതലും പ്രധാനം.