തിരുമനസ്സിന്റെ എഴുന്നള്ളത്തോ പിണറായിയുടെ നവകേരള സദസ്സോ..! ‘പ്രജകൾ’ പ്രതീക്ഷിക്കുന്നതെന്ത്?

ഭരിക്കുന്നവർ പ്രജകളെ കാണാനിറങ്ങുന്നത് പണ്ടുതൊട്ടേ നാട്ടുനടപ്പാണ്. ആറ്റുനോറ്റ് രാജാവിനെ കാണാൻ കാത്തിരിക്കുന്ന ജനത്തെപ്പറ്റിയും ചരിത്രം പറയുന്നു. അക്കാലത്ത് കേരളം ഭരിച്ചിരുന്ന രാജാക്കന്മാർ പ്രജകളെ കാണാൻ എഴുന്നള്ളുമ്പോൾ അലങ്കാരങ്ങൾ എന്തൊക്കെയായിരുന്നു? ജനങ്ങൾക്കു പറയാനുള്ളതും ജനങ്ങളോടു തിരുമനസ്സുകൾക്കു പറയാനുള്ളതും എന്തായിരുന്നു? നാട് നേരിടുന്ന സാമ്പത്തിക പ്രതിസന്ധി ജനങ്ങളുമായി രാജാക്കന്മാർ പങ്കിട്ടിരുന്നോ? വർഷാവർഷം പ്രജകളെ കാണാനെത്തുന്ന മാവേലിയുടെ ഐതിഹ്യംകൂടിയുള്ള നാടാണ് കേരളമെന്നും ഓർക്കണം. രാജഭരണത്തിനു ശേഷം കേരളം ഭരിച്ച മുഖ്യമന്ത്രിമാർ ഇതേവരെ നടത്തിയിട്ടുള്ള ജനസമ്പർക്ക പരിപാടികൾ ഒന്നിനൊന്നു വ്യത്യസ്തമായിരുന്നു. കെ.കരുണാകരൻ, എ.കെ.ആന്റണി, ഉമ്മൻ ചാണ്ടി... പല പേരുകളിലാണെങ്കിലും ഇവരെല്ലാം ജനസമ്പർക്കത്തിനു തങ്ങളുടേതായ വഴികൾ കണ്ടെത്തുകയായിരുന്നു. ലക്ഷക്കണക്കിനു പരാതികളാണ് ഇത്തരത്തിൽ മുഖ്യമന്ത്രിമാർ ജനങ്ങളിലേക്കിറങ്ങുമ്പോൾ കൈനിറയെ കിട്ടിയിരുന്നത്.