എന്നെ ഇരയാക്കുകയാണോ?

1888 ഓഗസ്റ്റ് – നവംബർ കാലത്ത് കിഴക്കൻ ലണ്ടനിൽ 5 വനിതകളെ ആരോ വധിച്ചു. ഒരേ കൊലപാതകശൈലി. തൊണ്ട മുറിച്ച്, വയറ്റിലെ ഉൾഭാഗങ്ങൾ നീക്കം ചെയ്തിരുന്നതിനാൽ പ്രതി ശരീരശാസ്ത്രവിദഗ്ധനാണെന്ന് ചിലർ ഊഹിച്ചിരുന്നു. ഇതിനു പുറമെയും അവിടെ സമാനകൊലപാതകങ്ങൾ നടന്നു. കുറ്റവാളിയാരെന്ന് അന്വേഷണവിദഗ്ധരായ ബ്രിട്ടിഷ് പൊലീസിനു കണ്ടെത്താൻ ഇന്നോളം കഴിഞ്ഞില്ല. ആ സീരിയൽ കൊലപാതകിക്കു ‘ജാക്ക് ദ് റിപ്പർ’ എന്ന പേര് നൽകുകയും ഇരകളെല്ലാം വേശ്യകളാണെന്ന് ആരോപിക്കുകയും ചെയ്തു. ആ ആരോപണം ശരിയല്ലെന്നു പിൽക്കാലത്ത് കണ്ടെത്തി.