Puthuvakku

‘കൊണ്ടാടപ്പെടുന്നത് ആഴമില്ലാത്ത എഴുത്തുകൾ; പുതിയ തലമുറ വായനയുടെ ഭാവനയിൽ നിന്നകലുന്നു’

അത്രമേൽ ധ്യാനാത്മകമായ പ്രവൃത്തിയായി എഴുത്തിനെ സമീപിക്കുന്നയാളാണ് അനിലേഷ് അനുരാഗ്. വായനക്കാർക്കു വേണ്ടി എഴുത്തിലൊരു ഒത്തുതീർപ്പിന് അനിലേഷ് തയാറല്ല. അതേസമയം, തന്റെ എഴുത്തുകളോരോന്നും അതതിന്റെ വായനക്കാരെ തേടിപ്പിടിച്ചുകൊള്ളുമെന്ന ആത്മവിശ്വാസവും തലശേരി ബ്രണ്ണൻ കോളജിലെ ഇംഗ്ലിഷ് വിഭാഗം അസിസ്റ്റന്റ് പ്രഫസർ കൂടിയായ ഈ എഴുത്തുകാരനുണ്ട്. കവിത, ഓർമ, ആത്മബോധ്യങ്ങൾ, ഭയാനുഭവ ആഖ്യാനങ്ങൾ എന്നിങ്ങനെയുള്ള വ്യത്യസ്ത വിഭാഗങ്ങളിലായി 5 വേറിട്ട പുസ്തകങ്ങൾ അനിലേഷിന്റേതായി ഇതുവരെ പുറത്തുവന്നുകഴിഞ്ഞു. ആറാമതു പുസ്തകമായ സാഹിത്യ സൈദ്ധാന്തിക പഠനം പ്രസിദ്ധീകരണത്തിനു തയാറായി. ഒരു യാത്രാവിവരണം ഉൾപ്പെടെ മറ്റു മൂന്നു പുസ്തകങ്ങൾ പണിപ്പുരയിലും.