ഗോകുലം വനിതകൾക്ക് വിജയം; ഒന്നാമത്

കോഴിക്കോട് ∙ വീണ്ടും ഫസീല, വീണ്ടും സന്ധ്യ ; ഇന്ത്യൻ വനിതാ ലീഗിൽ ബെംഗളൂരു കിക്സ്റ്റാർട്ട് എഫ്സിയെ അവരുടെ മൈതാനത്ത് 2-0 ന് തോൽപിച്ച് ഗോകുലം കേരള വനിതാ ടീം.

15–ാം മിനിറ്റിൽ ക്രിറ്റിന നൽകിയ പാസിൽ നിന്നാണ് ഗോകുലത്തിന്റെ സൂപ്പർതാരം ഫസീല ഇക്വാപുത് ആദ്യ ഗോൾ നേടിയത്. 

43 -ാം മിനിറ്റിൽ സന്ധ്യ രംഗനാഥൻ രണ്ടാം ഗോളും നേടി. ഫസീലയാണ് കളിയിലെ താരം. ഇതോടെ വനിതാ ലീഗിൽ 11 മത്സരങ്ങളിൽ നിന്ന് 26 പോയിന്റുമായി ഗോകുലം വീണ്ടും പട്ടികയിൽ ഒന്നാമതെത്തി. 10 മത്സരങ്ങളിൽ 25 പോയിന്റുമായി ഒഡീഷ പിന്നിലുണ്ട്.