പോ‍ൾവോൾട്ട് റെക്കോർഡ് വീണ്ടും തിരുത്തി ഡുപ്ലന്റിസ്

യൂജീൻ∙ പ്രീഫൊന്റെയ്ൻ ക്ലാസിക് ട്രാക്ക് ആൻഡ് ഫീൽഡ് ചാംപ്യൻഷിപ്പിൽ പോൾവോൾട്ടിൽ പുതിയ റെക്കോർഡ് കുറിച്ച് സ്വീ‍‍ഡിഷ് താരം അർമാൻഡ് ഡുപ്ലന്റിസ്. 6.23 മീറ്റർ ആണ് നിലവിലെ ലോകചാംപ്യൻ കൂടിയായ ഡുപ്ലന്റിസ് കുറിച്ച പുതിയ റെക്കോർഡ്. 6.22 മീറ്ററായിരുന്നു ഇരുപത്തിമൂന്നുകാരൻ ഡുപ്ലന്റിസിന്റെ പേരിലുണ്ടായിരുന്ന പഴയ റെക്കോർഡ്.വനിതകളുടെ 5000 മീറ്ററിൽ ഇത്യോപ്യയുടെ ഗുഡാഫ് സീഗെയും ലോക റെക്കോർഡ് സ്വന്തമാക്കി. 14:00.21 മിനിറ്റിലാണ് ഫിനിഷ്. ഇരുപത്തിയാറുകാരിയായ സീഗെ കെനിയയുടെ ഫെയ്ത് കിപ്യേഗനിന്റെ റെക്കോർഡാണ് മറികടന്നത്.

English Summary: Duplantis broke the pole vault record again