ഏഷ്യൻ ഗെയിംസ് വോളിബോൾ: ചൈനീസ് തായ്പേയെ 3–0ന് തകർത്ത് ഇന്ത്യൻ മുന്നേറ്റം

ഹാങ്ചോ∙ ചൈനീസ് തായ്പേയെ  തകര്‍ത്ത് ഏഷ്യൻ ഗെയിംസ് വോളിബോളിൽ ഇന്ത്യൻ പുരുഷ ടീമിന്റെ വിജയക്കുതിപ്പ്. ആദ്യ മൂന്ന് സെറ്റുകളും സ്വന്തമാക്കി ആധികാരികമായാണ് (3–0) ഇന്ത്യൻ ജയം. ജയത്തോടെ ഇന്ത്യ ടോപ് 6 ക്ലാസിഫിക്കേഷൻ റൗണ്ടിൽ കടന്നു. സ്കോർ: 25–22, 25–22, 25–21  

ലോകറാങ്കിങ്ങില്‍ 73-ാമതാണ് ഇന്ത്യ. നേരത്തെ, ലോകറാങ്കിങ്ങില്‍ 27-ാം സ്ഥാനത്തുള്ള ദക്ഷിണകൊറിയയെ ഇന്ത്യ പരാജയപ്പെടുത്തിയിരുന്നു. റാങ്കിങ്ങിൽ 44-ാം സ്ഥാനത്താണ് ചൈനീസ് തായ്‌പേ. അടുത്ത റൗണ്ടിൽ ലോക അഞ്ചാം നമ്പർ ടീമായ ജപ്പാനാണ് ഇന്ത്യയുടെ എതിരാളികൾ.

English Summary: Indian men's volleyball team advanced to top 6 classification stage with 3-0 win over Chinese Taipei