തിളങ്ങുന്ന മുഖത്തിന്റെ രഹസ്യം ഈ ഫെയ്സ്പാക്; പങ്കുവച്ച് കരീന കപൂർ

ലോക്ഡൗൺ ആയതോടെ സമൂഹമാധ്യമങ്ങളിൽ സജീവമാണ് താരസുന്ദരിമാർ. വീട്ടുവിശേഷങ്ങളും ബ്യൂട്ടി ടിപ്സും പാചക വിശേഷങ്ങളും പങ്കുവയ്ക്കുന്നതാണ് ട്രെൻഡ്. താരസുന്ദരി കരീന കപൂറും താൻ ഉപയോഗിക്കുന്ന ഫെയ്സ്പാക്ക് ആരാധകരുമായി പങ്കുവച്ചു രംഗത്തെത്തി. വീട്ടിൽ തന്നെയുണ്ടാക്കാവുന്ന ഈ ഫെയ്സ്പാക് താരത്തിനു നിർദേശിച്ചതു ടെലിവിഷൻ താരമായ നിഷ സരീൻ നിര്‍ദേശിച്ച ഒരു ഫെയ്സ്പാക്ക് ആണു താരം ഉപയോഗിക്കുന്നത്. 

രണ്ട് സ്പൂൺ ചന്ദനം, രണ്ടു തുള്ളി വിറ്റാമിൻ ഇ, ഒരു നുള്ള് മഞ്ഞൾ എന്നിവ പാലിൽ ചാലിച്ചാണ് ഈ ഫെയ്സ്പാക്ക് ഉണ്ടാക്കുന്നത്. ഇത് 20 മിനിറ്റു നേരം മുഖത്ത് ഇടണം. മുഖം വൃത്തിയുള്ളതും മിനുസമുള്ളതുമാക്കാൻ ഈ ഫെയ്സ്പാക് സഹായിക്കും. 

ഫെയ്സ്പാക്ക് ഇട്ടു നിൽക്കുന്ന ചിത്രം ഇൻസ്റ്റഗ്രാമിൽ പങ്കുവച്ച കരീന, മികച്ച ഫെയ്സ്പാക് നിർദേശിച്ചതിന് നിഷയോട് നന്ദി പറയുകയും ചെയ്തു.

English Summary : Kareena Kapoor Beauty Secret