മുടി കൊഴിച്ചിനും താരനും വിട; ഉപയോഗിക്കാം തേങ്ങാപ്പാൽ ഹെയർ പാക്
Mail This Article
മുടിയിഴകളുടെ ആരോഗ്യത്തിന് അത്യുത്തമമാണ് തേങ്ങാപ്പാൽ. വരൾച്ച, താരൻ എന്നിവ നിയന്ത്രിച്ച് തലമുടിക്ക് കരുത്തും നൽകാൻ തേങ്ങാപ്പാലിന് സാധിക്കും. അതിനായി തേങ്ങാപ്പാൽ ഉപയോഗിച്ച് ഹെയർ പാക്കുകൾ ഉണ്ടാക്കേണ്ടത് എങ്ങനയെന്നു നോക്കാം.
∙ മുടി കണ്ടീഷൻ ചെയ്യാൻ
4 ടേബിൾ സ്പൂൺ തേങ്ങാപ്പാൽ
1 ടേബിൾ സ്പൂൺ കറ്റാർവാഴയുടെ നീര്
1 ടേബിൾ സ്പൂൺ ഒലീവ് ഓയിൽ
തയ്യാറാക്കുന്ന വിധം :
തേങ്ങപ്പാലിലേക്ക് കറ്റാർവാഴയുടെ നീരും ഒലീവ് ഓയിലും ചേർക്കുക. ഇതിലേക്ക് പാകത്തിന് വെള്ളം ചേർത്ത് ആവശ്യമുള്ള അളവാക്കുക. ഈ മിശ്രിതം മുടിയിലും തലയോട്ടിയിലും നന്നായി തേച്ച് പിടിപ്പിക്കുക. അരമണിക്കൂറിന് ശേഷം ഇളംചൂടുവെള്ളത്തിൽ തല കഴുകാം. ആവശ്യമെങ്കിൽ ഷാംപൂ ഉപയോഗിക്കാം.
∙ താരൻ അകറ്റാൻ
4 ടേബിൾ സ്പൂൺ തേങ്ങാപ്പാൽ
2 ടേബിൾ സ്പൂൺ വേപ്പില അരച്ചെടുത്തത്
തയ്യാറാക്കുന്ന വിധം :
തേങ്ങാപ്പാലും വേപ്പില അരച്ചെടുത്തതും നന്നായി മിക്സ് ചെയ്ത് തലയിൽ തേച്ച് പിടിപ്പിക്കുക. അരമണിക്കൂറിന്ശേഷം ഇളം ചൂടുവെള്ളത്തിൽ ഷാംപൂ ഉപയോഗിച്ച് കഴുകണം.
∙ മുടി കൊഴിച്ചിൽ തടയാൻ
4 ടേബിൾ സ്പൂൺ തേങ്ങാപ്പാൽ
1 ടേബിൾ സ്പൂൺ ഉള്ളി ജ്യൂസ്
1 ടേബിൾ സ്പൂൺ ഉലുവപ്പൊടി
തയാറാക്കുന്ന വിധം :
തേങ്ങപ്പാലും ഉലുവപ്പൊടിയും ഉള്ളി ജ്യൂസും നന്നായി മിക്സ് ചെയ്തെടുക്കുക. ഇത് മുടിയികൾക്കിടയിലും തലയോട്ടിയിലും തേച്ച് മസാജ് ചെയ്യുക. അരമണിക്കൂറിനുശേഷം ഇളംചൂടുവെള്ളം ഉപയോഗിച്ച് കഴുകാം.
English Summary : How to use coconut milk for hair growth