മുടി കൊഴിച്ചിൽ തടയാന് മൂന്ന് വഴികൾ
Mail This Article
പ്രകൃതിദത്ത വസ്തുക്കൾ ഉപയോഗിച്ച് എളുപ്പത്തിൽ മുടി കൊഴിച്ചിൽ തടയാൻ മൂന്നു വഴികൾ.
∙ കറ്റാർവാഴ
രണ്ട് ടേബിൾസ്പൂൺ കറ്റാർവാഴ ജെൽ മാത്രമാണ് ഇതിനാവശ്യമുള്ളത്. ജെൽ എടുത്ത് നന്നായി ഇളക്കി മൃദുവാക്കി മാറ്റുക. ഇത് ശിരോചർമത്തിൽ തേച്ചു പിടിപ്പിക്കണം. 25 മിനിറ്റിനുശേഷം തണുത്ത വെള്ളത്തിൽ തല കഴുകാം. ആഴ്ചയിൽ രണ്ടു തവണ ഇതു ചെയ്യാം.
∙ മുട്ട
ഒരു മുട്ടയും ഒരു സ്പൂൺ ഒലീവ് ഓയിലും എടുത്ത് നന്നായി മിക്സ് ചെയ്യുക. ഇങ്ങനെ കിട്ടുന്ന മിശ്രിതം ശിരോചർമത്തിലും മുടിയിലും തേച്ചു പിടിപ്പിക്കണം. 20 മിനിറ്റിന്ശേഷം ഷാപൂ ഇട്ട് കഴുകി കളയാം. ഇതിനുശേഷം മുടി കണ്ടീഷൻ ചെയ്യാം. ആഴ്ചയിൽ ഒന്നോ രണ്ടോ തവണ ഇങ്ങനെ ചെയ്യാം.
∙ നെല്ലിക്ക
നെല്ലിക്ക അരച്ചെടുത്ത് അതിൽ തുല്യ അളവിൽ നാരങ്ങനീര് ചേർത്ത് കുഴമ്പ് രൂപത്തിലാക്കുക. ഇത് മുടിയിലും ശിരോചർമത്തിലും തേച്ചുപിടിപ്പിക്കാം. ഇത് ഉണങ്ങിയശേഷം ഷാപൂ ഇട്ട് തല കഴുകാം. ആഴ്ചയിൽ ഒരിക്കൽ ഇത് പരീക്ഷിക്കാം.