കരുത്തും തിളക്കവുമുള്ള തലമുടിക്ക് ഖുശ്ബു ചെയ്യുന്നത്

സൗന്ദര്യസംരക്ഷണത്തിനു ചെയ്യുന്ന കാര്യങ്ങൾ നടി ഖുശ്ബു ആരാധകരുമായി പങ്കുവയ്ക്കാറുണ്ട്. ഇക്കൂട്ടത്തിൽ ഒന്നാണ് മുടിയുടെ സംരക്ഷണത്തിനായി ഉപയോഗിക്കുന്ന നാച്ചുറൽ ഹെയർ പാക്. ചെമ്പരത്തിയുടെ തളിരിലകൾ, പൂവ്, ഉലുവ, തൈര്, മുട്ട, ലാവണ്ടർ ഓയിൽ എന്നിവയാണ് ഹെയർ ഈ പാക്കിന് താരം ഉപയോഗിക്കുന്നത്. ഈ ഹെയർപാക് നിർമിക്കുന്നത് എങ്ങനെയെന്നു നോക്കാം. 

ഒരു രാത്രി വെള്ളത്തിലിട്ട് കുതിർത്ത ഉലുവയും ചെമ്പരത്തിയിലയും പൂവും ചേർത്ത് കുഴമ്പരൂപത്തിൽ അരച്ചെടുക്കുക. ഇതിലേക്ക് തൈര്, മുട്ട, ലാവണ്ടർ ഓയിലിന്റെയോ റോസ് മേരി ഓയിലിന്റെയോ ഏതാനും തുള്ളികളും ചേർക്കണം. 

ഇത് നന്നായി മിക്സ് ചെയ്ത് തലയിൽ പുരട്ടി ഒരു മണിക്കൂറിനുശേഷം ഷാംപൂ ഉപയോഗിച്ച് കഴുകാം. അതിനുശേഷം കണ്ടീഷൻ ചെയ്യണം. കരുത്തും തിളക്കവുമുള്ള തലമുടി ലഭിക്കാൻ ഈ ഹെയർപാക്ക് സഹായിക്കും