ട്രാൻസ്ജെൻഡർ ഹരിണി ചന്ദന വിവാഹിതയായി; വരൻ സുനീഷ്; വിഡിയോ
Mail This Article
മോഡലും നടിയുമായ ട്രാൻസ്ജെൻഡർ ഹരിണി ചന്ദന വിവാഹിതയായി. സുനീഷ് ആണ് വരൻ. ജനുവരി 19ന് എറണാകുളം ബിടിഎച്ച് ഹാളിൽവെച്ചായിരുന്നു ചടങ്ങുകൾ. ട്രാൻസ്ജെൻഡർ ആക്റ്റിവിസ്റ്റ് രഞ്ജു രഞ്ജിമാരുടെ ആശീർവാദത്തോടെയായിരുന്നു വിവാഹം. നടിമാരായ തെസ്നി ഖാൻ, കൃഷ്ണപ്രഭ എന്നിവരും വിവാഹത്തിന് എത്തിയിരുന്നു.
ഗൾഫിൽ സ്വകാര്യ കമ്പനിയിലെ ഉദ്യോഗസ്ഥനാണ് സുനീഷ്. എട്ടാം ക്ലാസിൽ പഠിക്കുമ്പോഴാണ് ഇരുവരും പ്രണയത്തിലാകുന്നത്. സുനീഷിന്റെ മാതാപിതാക്കളുടെ ആശീർവാദത്തോടെയാണ് വിവാഹം. ഹരിണിയുടെ മാതാപിതാക്കൾ എത്തിയിരുന്നില്ല. ട്രാൻസ്ജെൻഡർ കമ്യൂണിറ്റിയിലെ നിരവധിപ്പേര് ചടങ്ങിൽ പങ്കെടുത്തു.
കുമ്പളങ്ങി സ്വദേശിയാണ് ഹരിണി. 12–ാം വയസ്സിലാണ് തന്റെ സ്വത്വം തിരച്ചറിയുന്നത്. തുടർന്ന് 17–ാം വയസ്സിൽ ലിംഗമാറ്റ ശസ്ത്രക്രിയയിലൂടെ സ്ത്രീയായി മാറി. ‘ദൈവത്തിന്റെ മണവാട്ടി’ എന്ന സിനിമയില് ഹരിണി നായികാ കഥാപാത്രത്തെ അവതരിപ്പിച്ചിരുന്നു.
English Summary : Transgender Harini Chandana got married