sections
MORE

ഷോമി റെഡ്മി കെ 20, റെഡ്മി കെ 20 പ്രോ ഇന്ത്യയിലെത്തി, കുറഞ്ഞ വില

Redmi-K20
SHARE

മുൻനിര സ്മാർട് ഫോൺ നിർമാണ കമ്പനിയായ ഷോമിയുടെ റെഡ്മി കെ 20, റെഡ്മി കെ 20 പ്രോ ഹാൻഡ്സെറ്റുകൾ ഇന്ത്യയിൽ ഔദ്യോഗികമായി അവതരിപ്പിച്ചു. റെഡ്മി കെ 20 സീരീസ് ഹാൻഡ്സെറ്റുകളുടെ തുടക്ക വില 21,999 രൂപയാണ്. റെഡ്മി കെ 20 സീരീസിന്റെ പ്രധാന സവിശേഷതകൾ - 20 എംപി പോപ്പ്-അപ്പ് സെൽഫി ക്യാമറ, എഐ ഉള്ള ട്രിപ്പിൾ റിയർ ക്യാമറകൾ, സ്നാപ്ഡ്രാഗൺ പ്രോസസർ, ഗ്ലാസ് ബോഡി, അമോലെഡ് ഡിസ്പ്ലേ, 4000 എംഎഎച്ച് ബാറ്ററി എന്നിവയാണ്. റെഡ്മി കെ 20, കെ 20 പ്രോ എന്നിവ ജൂലൈ 22 ന് വിൽപനയ്‌ക്കെത്തും. റെഡ്മി കെ 20, റെഡ്മി കെ 20 പ്രോ എന്നിവ എംഐ.കോം, ഫ്ലിപ്കാർട്ട്, എംഐ ഹോം സ്റ്റോറുകൾ, എംഐ തിരഞ്ഞെടുത്ത സ്റ്റോറുകൾ വഴി വാങ്ങാം.

റെഡ്മി കെ 20, റെഡ്മി കെ 20 പ്രോ എന്നിവ രണ്ട് വേരിയന്റുകളിലാണ് വരുന്നത്. 4 ജിബി റാം / 64 ജിബി സ്റ്റോറേജ് റെഡ്മി കെ 20ന് 21,999 രൂപയാണ്. 6 ജിബി റാം / 64 ജിബി ഇന്റേണൽ സ്റ്റോറേജ് മോഡലിന് 23,999 രൂപയുമാണ് വില. 6 ജിബി റാം / 128 ജിബി സ്റ്റോറേജിന് 30,999 രൂപയ്ക്കും 8 ജിബി റാം മോഡലിന് 25,999 രൂപയ്ക്കും വാങ്ങാം. റെഡ്മി കെ 20, റെഡ്മി കെ 20 പ്രോ എന്നിവ മൂന്ന് കളർ വേരിയന്റുകളിലാണ് വരുന്നത് - ഗ്ലേസിയർ ബ്ലൂ, കാർബൺ ഫൈബർ ബ്ലാക്ക്, ഫ്ലേം റെഡ്. രണ്ട് റെഡ്മി കെ 20 സീരീസ് ഫോണുകളും ഇന്ത്യയിൽ നിർമിച്ചതാണെന്നത് ശ്രദ്ധേയമാണ്.

redmi_k20

റെഡ്മി കെ 20 പ്രോ ഫീച്ചറുകൾ

റെഡ്മി കെ 20 പ്രോ വിലകുറഞ്ഞ ആദ്യ സ്നാപ്ഡ്രാഗൺ 855 ഫോണാണ്. ക്വാൽകോമിന്റെ സ്‌നാപ്ഡ്രാഗൺ 855 പ്രോസസറാണ് കെ 20 പ്രോയുടെ കരുത്ത്. 2.8 ജിഗാഹെർട്‌സ് ശേഷിയുള്ളതാണ് ഹാന്‍ഡ്സെറ്റ്. മുൻവശത്ത് റെഡ്മി കെ 20 പ്രോയിൽ 20 എംപി പോപ്പ്-അപ്പ് സെൽഫി ക്യാമറയുണ്ട്. ഇത് എൽഇഡി ലൈറ്റുകളുമായി സംയോജിപ്പിച്ചിരിക്കുന്നു. പോപ്പ്-അപ്പ് ക്യാമറയ്ക്ക് മുകളിൽ ഒരു പ്രത്യേകം ലൈറ്റും ഉണ്ട്. പിൻ പാനലിൽ മൂന്ന് ക്യാമറകൾ ഉൾപ്പെടുന്നു - 48 എംപി സോണി ഐഎംഎക്സ് 586 പ്രൈമറി സെൻസർ (എഫ് / 1.75 അപ്പർച്ചർ) + 13 എംപി അൾട്രാ വൈഡ് സെൻസർ + 8 എംപി 2 എക്സ് ടെലിഫോട്ടോ ലെൻസ്. ഇൻ-സ്ക്രീൻ ഫിംഗർപ്രിന്റ് സെൻസറുമായി വരുന്ന ആദ്യത്തെ റെഡ്മി ഫോണാണിത്. എഐ ഫെയ്‌സ് അൺലോക്ക്, ഡ്യുവൽ വോൾട്ടി തുടങ്ങിയ സവിശേഷതകളും ഫോണിൽ ഉൾപ്പെടുന്നു.

റെഡ്മി കെ 20 പ്രോ സ്പോർട്സ് ഓറ പ്രിസം ഡിസൈൻ മൂന്ന് നിറങ്ങളിൽ വരുന്നു - ഗ്ലേസിയർ ബ്ലൂ, കാർബൺ ഫൈബർ ബ്ലാക്ക്, ഫ്ലേം റെഡ്. കോർണിംഗ് ഗോറില്ല ഗ്ലാസ് 5 പരിരക്ഷയുള്ള 6.39 ഇഞ്ച് അമോലെഡ് ഡിസ്പ്ലേ ഫോണിൽ ഉൾപ്പെടുന്നു. 91.9 ശതമാനം സ്‌ക്രീൻ-ടു-ബോഡി അനുപാതവും 2340x1080p റെസല്യൂഷനും ഇത് വാഗ്ദാനം ചെയ്യുന്നു. റെഡ്മി കെ 20 പ്രോയും ഡിസി ഡിമ്മിംഗുമായി വരുന്നു. പിൻവശത്ത് ഗോറില്ല ഗ്ലാസ് 5 ഉള്ള 3 ഡി ഗ്ലാസ് റെഡ്മി കെ 20 പ്രോയിൽ ഉൾപ്പെടുന്നു. 4000 എംഎഎച്ച് ബാറ്ററിയാണ്. ഹാൻഡ്സെറ്റിനൊപ്പം 18W ചാർജറുമുണ്ട്. 15 മിനിറ്റ് ചാർജ് ചെയ്താൽ 10.5 മണിക്കൂർ വരെ കോൾ ചെയ്യാം. റെഡ്മി കെ 20 പ്രോയ്ക്ക് 27W ഫാസ്റ്റ് ചാർജിങ് ശേഷിയുമുണ്ട്. റെഡ്മി കെ 20 പ്രോയിൽ യുഎസ്ബി ടൈപ്പ് സി പോർട്ട് ഉൾപ്പെടുന്നു എന്നതാണ് സന്തോഷ വാർത്ത.

റെഡ്മി കെ 20 സവിശേഷതകൾ

ഇന്ത്യയിൽ സ്നാപ്ഡ്രാഗൺ 730 പ്രോസസ്സറിൽ പ്രവർത്തിക്കുന്ന ആദ്യത്തെ സ്മാർട് ഫോണാണ് റെഡ്മി കെ 20. സ്പെസിഫിക്കേഷനുകൾ സംബന്ധിച്ചിടത്തോളം റെഡ്മി കെ 20, റെഡ്മി കെ 20 പ്രോ എന്നിവയിൽ വലിയ വ്യത്യാസമില്ല. താരതമ്യപ്പെടുത്തുമ്പോൾ 6 ജിബി റാമും 64 ജിബി ഇന്റേണൽ സ്റ്റോറേജും സ്‌നാപ്ഡ്രാഗൺ 730 ചിപ്പും റെഡ്മി കെ 20 നൽകുന്നു. ക്യാമറ, സ്‌ക്രീൻ, ബാറ്ററി, മറ്റ് വശങ്ങൾ എന്നിവ റെഡ്മി കെ 20 പ്രോയ്ക്ക് തുല്യമാണ്.

xiaomi-k20-pro-vs-oneplus

റെഡ്മി കെ 20 സ്പോർട്സ് ഓറ പ്രിസം ഡിസൈൻ, മൂന്ന് നിറങ്ങളിൽ വരുന്നു - ഗ്ലേസിയർ ബ്ലൂ, കാർബൺ ഫൈബർ ബ്ലാക്ക്, ഫ്ലേം റെഡ്. കോർണിങ് ഗോറില്ല ഗ്ലാസ് 5 പരിരക്ഷയുള്ള 6.39 ഇഞ്ച് അമോലെഡ് ഡിസ്പ്ലേ ഫോണിൽ ഉൾപ്പെടുന്നു. 91.9 ശതമാനം സ്‌ക്രീൻ-ടു-ബോഡി അനുപാതവും 2340x1080p റെസല്യൂഷനും ഇത് വാഗ്ദാനം ചെയ്യുന്നു. ഗോറില്ല ഗ്ലാസ് 5 ഉള്ള 3 ഡി ഗ്ലാസ് ഫോണിൽ ഉൾപ്പെടുന്നു. ബോക്‌സിൽ 18W ചാർജറുമായി ജോടിയാക്കുന്ന 4000 എംഎഎച്ച് ബാറ്ററിയാണ് ഇതിന്റെ പിന്തുണ. റെഡ്മി കെ 20 പ്രോ 27W ഫാസ്റ്റ് ചാർജിനെ പിന്തുണയ്ക്കുന്നു. റെഡ്മി കെ 20 ൽ യുഎസ്ബി ടൈപ്പ് സി പോർട്ട് ഉൾപ്പെടുന്നു.

പ്രോ പോലെ, റെഡ്മി കെ 20, 20 എംപി പോപ്പ്-അപ്പ് സെൽഫി ക്യാമറയും എൽഇഡി ലൈറ്റുകളുമായി സംയോജിപ്പിച്ചിരിക്കുന്നു. പോപ്പ്-അപ്പ് ക്യാമറയ്ക്ക് മുകളിൽ ഒരു ലൈറ്റും ഉണ്ട്. പിൻ പാനലിൽ മൂന്ന് ക്യാമറകൾ ഉൾപ്പെടുന്നു - 48 എംപി സോണി ഐഎംഎക്സ് 586 പ്രൈമറി സെൻസർ + 13 എംപി അൾട്രാ-വൈഡ് സെൻസർ + 8 എംപി 2x ടെലിഫോട്ടോ ലെൻസ്. എഐ ഫെയ്‌സ് അൺലോക്ക്, ഇൻ-സ്‌ക്രീൻ ഫിംഗർപ്രിന്റ് സെൻസർ, ഡ്യുവൽ വോൾട്ടി പിന്തുണ തുടങ്ങി ഫീച്ചറുകളും ഫോണിൽ ഉൾപ്പെടുന്നു.

തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
MORE IN MOBILES
SHOW MORE
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
FROM ONMANORAMA