ഇന്ത്യയിലെ ആദ്യ 5ജി ഫോൺ പുറത്തിറങ്ങി, റിയൽമി എക്സ് 50 പ്രോയിൽ അത്യുഗ്രൻ ഫീച്ചറുകള്‍

ഇന്ത്യയിലെ ആദ്യത്തെ 5ജി ഫോൺ ചൈനീസ് കമ്പനിയായ റിയൽമി അവതരിപ്പിച്ചു. റിയൽമി എക്സ് 50 പ്രോ 5ജി യിൽ അത്യുഗ്രൻ ഫീച്ചറുകളാണ് ഉൾപ്പെടുത്തിയിരിക്കുന്നത്. മുൻനിര ക്വാൽകോം സ്‌നാപ്ഡ്രാഗൺ 865 ചിപ്‌സെറ്റ്, 90 ഹെർട്സ് ഡിസ്‌പ്ലേ, 64 മെഗാപിക്സൽ ക്വാഡ് റിയർ ക്യാമറകൾ എന്നിവയുൾപ്പെടുന്നതാണ് ഹാൻ‌ഡ്സെറ്റ്.

രാജ്യത്ത് 5 ജി കണക്റ്റിവിറ്റിയ്ക്ക് അടിസ്ഥാന സൗകര്യങ്ങളില്ലെങ്കിലും ഇന്ത്യയിൽ ആദ്യ 5ജി ഫോൺ അവതരിപ്പിക്കാൻ റിയൽമിക്ക് സാധിച്ചു. യുഎസ്, ദക്ഷിണ കൊറിയ, യുകെ, ചൈന എന്നിവിടങ്ങളിൽ വാണിജ്യപരമായി 5ജി നെറ്റ്‌വർക്ക് ആരംഭിച്ചിട്ടുണ്ട്. വൈകാതെ ഇന്ത്യയിലും 5ജി വിപണിയിലെത്തുമെന്നാണ് പ്രതീക്ഷിക്കുന്നത്. ഇന്ത്യയിൽ 5ജി വരാൻ കുറച്ച് സമയമെടുക്കുമെങ്കിലും അത് വരും. ഇത് ലക്ഷ്യം വച്ചാണ് റിയൽ‌മി എക്സ് 50 പ്രോ 5ജിക്ക് ഹാൻ‌ഡ്സെറ്റ് അവതരിപ്പിച്ചത്.

6 ജിബി റാമും 128 ജിബി ഇന്റേണൽ സ്റ്റോറേജുമുള്ള അടിസ്ഥാന വേരിയന്റിന് 37,999 രൂപയാണ് വില. 8 ജിബി റാമിനും 128 ജിബി ഇന്റേണൽ സ്റ്റോറേജിനും 39,999 രൂപയും 12 ജിബി റാം 256 ജിബി സ്റ്റോറ്റേജുമുള്ള വേരിയന്റിന് 44,999 രൂപയുമാണ് വില. മോസ് ഗ്രീൻ, റസ്റ്റി റെഡ് നിറങ്ങളിൽ ഇത് വരുന്നു. ഇന്ന് മുതൽ ഫ്ലിപ്പ്കാർട്ടിലും റിയൽമി ഡോട്ട് കോമിലും ഇത് വിൽപ്പനയ്‌ക്കെത്തും.

എൻ‌എസ്‌എ, എസ്‌എ മോഡുകളെ പിന്തുണയ്‌ക്കുന്ന 5ജി ഫോണാണ് റിയൽ‌മി എക്സ് 50 പ്രോ 5 ജി. എന്നാൽ 5ജി ലോഞ്ച് ചെയ്യുന്നതുവരെ ഇന്ത്യൻ ഉപയോക്താക്കൾക്ക് 4ജി ഉപയോഗിക്കാം. നിങ്ങൾ വിദേശ യാത്ര ചെയ്യുകയാണെങ്കിൽ റിയൽമി എക്സ് 50 പ്രോ 5ജിയിൽ ഉപയോഗിക്കാം. സ്മാർട്ട് 5ജി ഉപയോഗിച്ച് എക്സ് 50 പ്രോ 5ജിക്ക് 4ജി, 5ജി നെറ്റ്‌വർക്കുകൾക്കിടയിൽ മാറാൻ കഴിയുമെന്ന് റിയൽമി അവകാശപ്പെടുന്നു. ഇരട്ട-ചാനൽ നെറ്റ്‌വർക്ക് ആക്‌സിലറേഷനും ഉണ്ട്. ഇത് പരമാവധി 1.5 ജിബിപിഎസ് വേഗം നൽകുമെന്ന് അവകാശപ്പെടുന്നു.

12 ജിബി വരെ എൽപിഡിഡിആർ5 റാമും 256 ജിബി യുഎഫ്എസ് 3.0 സ്റ്റോറേജുമായി സംയോജിപ്പിച്ച ഒക്ടാ കോർ ക്വാൽകോം സ്‌നാപ്ഡ്രാഗൺ 865 SoC ആണ് സ്മാർട് ഫോണിന്റെ കരുത്ത്. ഫയൽ കൈമാറ്റം വേഗത്തിലാക്കുന്ന സവിശേഷതയായ ടർബോ റൈറ്റ്, ഗ്രാഫിക്സിനായി, റിയൽമി എക്സ് 50 പ്രോ 5ജി ഒരു അഡ്രിനോ 650 പ്രോസസർ, 6.44 ഇഞ്ച് ഫുൾ എച്ച്ഡി + സാംസങ് സൂപ്പർ അമോലെഡ് ഡിസ്‌പ്ലേ, 90 ഹെർട്സ് റഫ്രഷ് നിരക്ക്, സ്‌ക്രീൻ-ടു-ബോഡി അനുപാതം 90 ശതമാനം എന്നിവയാണ് റിയൽമി എക്‌സ് 50 പ്രോ 5 ജി നല്‍കുന്നത്. കോർണിംഗ് ഗോറില്ല ഗ്ലാസ് 5 ആണ് ഇതിനുള്ളത്.

പിന്നിൽ നാല് ക്യാമറകളുണ്ട്. 64 മെഗാപിക്സലിന്റെ പ്രധാന സെൻസറും (എഫ് / 1.8 അപ്പേർച്ചർ). ഈ ക്യാമറ 20 എക്സ് ക്യാമറ സൂം ശേഷിയുള്ളതാണ്. 8 മെഗാപിക്സലിന്റെ അൾട്രാ വൈഡ് ആംഗിൾ ക്യാമറയുണ്ട്. മാക്രോ സെൻസർ എഫ് / 2.3 അപ്പേർച്ചറുള്ളതാണ്. 12 മെഗാപിക്സലിന്റെ ടെലിഫോട്ടോ എഫ് / 2.5 സെൻസർ, എഫ് / 2.4 അപ്പേർച്ചറുള്ള 2 മെഗാപിക്സൽ ബ്ലാക്ക് ആൻഡ് വൈറ്റ് പോർട്രെയിറ്റ് സെൻസർ എന്നിവയും പിൻ‌ഭാഗത്തുണ്ട്.

സെൽഫികൾക്കായി മുൻവശത്തെ പഞ്ച്-ഹോളിൽ രണ്ട് ക്യാമറകളുണ്ട്. 5 പി ലെൻസുള്ള 32 മെഗാപിക്സൽ വൈഡ് ആംഗിൾ സോണി ഐഎംഎക്സ് 616 സെൻസറും (എഫ് / 2.5 അപ്പേർച്ചർ) 8 മെഗാപിക്സലിന്റെ അൾട്രാ വൈഡ് ആംഗിൾ ക്യാമറയുമുണ്ട്. മുൻ ക്യാമറകളിലെ ഫോട്ടോകളിലും വിഡിയോകളിലും പോർട്രെയിറ്റ് മോഡ് പിന്തുണയ്ക്കുന്നുണ്ട്.

റിയൽ‌മി എക്സ് 50 പ്രോ 5 ജി ആൻഡ്രോയിഡ് 10 അടിസ്ഥാനമാക്കിയുള്ള റിയൽ‌മി യുഐ ഒഎസിലാണ് പ്രവർത്തിക്കുന്നത്. ഡാർക്ക് മോഡ് പോലുള്ള ആൻഡ്രോയിഡ് 10 ന്റെ സവിശേഷതകളും‌ം ഉൾപ്പെടുന്നു. ഇന്ത്യയിൽ അരങ്ങേറ്റം കുറിച്ച 65W സൂപ്പർഡാർട്ട് ചാർജ് സാങ്കേതികവിദ്യയെ പിന്തുണയ്ക്കുന്ന 4200 എംഎഎച്ച് ബാറ്ററിയാണ് സ്മാർട് ഫോൺ പായ്ക്ക് ചെയ്യുന്നത്. ഈ ഫാസ്റ്റ് ചാർജിങ് സാങ്കേതികവിദ്യയ്ക്ക് 30 മിനിറ്റിനുള്ളിൽ ബാറ്ററി പൂർണമായും നിറയ്ക്കാൻ കഴിയുമെന്ന് റിയൽമി അവകാശപ്പെടുന്നു.