sections
MORE

വൺപ്ലസ് 8, വൺപ്ലസ് 8 പ്രോ: ഇന്ത്യയിലെ വില വിവരങ്ങൾ പുറത്ത്, തുടക്ക വില 41,999 രൂപ

OnePlus_8
SHARE

വൺപ്ലസിന്റെ ഏറ്റവും പുതിയ സ്മാർട് ഫോണുകളായ വൺപ്ലസ് 8, വൺപ്ലസ് 8 പ്രോ എന്നിവ ദിവസങ്ങൾക്ക് മുൻപാണ് കമ്പനി വെബ് സ്ട്രീം വഴി അവതരിപ്പിച്ചത്. അന്ന് ഉപകരണങ്ങളുടെ ഫീച്ചറുകളും വിലയും കമ്പനി പ്രഖ്യാപിച്ചിരുന്നു. എന്നാൽ, ഇന്ത്യയിലെ വില വിവരങ്ങൾ ഇപ്പോഴാണ് വെളിപ്പെടുത്തുന്നത്.

യുഎസിനും യൂറോപ്യൻ വിപണികൾക്കും മാത്രമായിരുന്നു ആദ്യം അവതരിപ്പിച്ചത്. ഇപ്പോൾ കമ്പനി ഇന്ത്യയിലും വൺപ്ലസ് 8, വൺപ്ലസ് 8 പ്രോ എന്നിവയുടെ വില പ്രഖ്യാപിച്ചു. ഫോണുകളുടെ വിലനിർണ്ണയത്തോടൊപ്പം ബുള്ളറ്റ്സ് വയർലെസ് ഇസഡ് ഇയർഫോണുകളുടെ വിലയും വെളിപ്പെടുത്തിയിട്ടുണ്ട്. വൺപ്ലസ് റെഡ് കേബിൾ ക്ലബ് കമ്മ്യൂണിറ്റി പ്ലാറ്റ്‌ഫോമിലൂടെയാണ് വിലകൾ വെളിപ്പെടുത്തിയത്.

കമ്പനി പറയുന്നതനുസരിച്ച്, വൺപ്ലസ് വൺപ്ലസ് 8 ന്റെ 6 റാം + 128 സ്റ്റോറേജ് ഗ്ലേഷ്യൽ ഗ്രീൻ വേരിയന്റ് ആമസോൺ വഴി മാത്രമാണ് ലഭിക്കുക. വേരിയന്റിന്റെ വില 41,999 രൂപയായിരിക്കും. വൺപ്ലസ് 8 ന്റെ 8 ജിബി റാമും 128 ജിബി സ്റ്റോറേജ് വേരിയന്റും ഫീനിക്സ് ബ്ലാക്ക്, ഗ്ലേഷ്യൽ ഗ്രീൻ നിറങ്ങളിൽ ലഭ്യമാണ്. 44,999 രൂപ വിലയുള്ള ഈ വേരിയന്റിന് എല്ലാ ഓൺലൈൻ, ഓഫ്‌ലൈൻ ചാനലുകളിൽ നിന്നും വാങ്ങാൻ കഴിയും.

വൺപ്ലസ് 8 - 12 ജിബി റാം, 256 ജിബി സ്റ്റോറേജ് എന്നിവയുടെ ഏറ്റവും ഉയർന്ന വേരിയന്റിന് 49,999 രൂപ വിലയുണ്ട്. കൂടാതെ ഫീനിക്സ് ബ്ലാക്ക്, ഗ്ലേഷ്യൽ ഗ്രീൻ, ഇന്റർസ്റ്റെല്ലാർ ഗ്ലോ എന്നീ മൂന്ന് നിറങ്ങളിലും ലഭ്യമാണ്. ഈ വേരിയന്റും ഓൺ‌ലൈൻ, ഓഫ്‌ലൈൻ ചാനലുകളിൽ ലഭ്യമാണ്.

വൺപ്ലസ് 8 പ്രോ രണ്ട് മെമ്മറി, സ്റ്റോറേജ് വേരിയന്റുകളിൽ ലഭ്യമാണ്. എൻട്രി ലെവൽ 8 ജിബി + 128 ജിബി ഫീനിക്സ് ബ്ലാക്ക്, ഗ്ലേഷ്യൽ ഗ്രീൻ നിറങ്ങളിൽ ഓൺ‌ലൈൻ, ഓഫ്‌ലൈൻ ചാനലുകളിൽ 54,999 രൂപ നിരക്കിൽ ലഭ്യമാണ്. 12 ജിബി റാമും 256 ജിബി സ്റ്റോറേജുമുള്ള ഹൈ എൻഡ് വേരിയന്റിന് 59,999 രൂപയാണ് വില. എല്ലാ ഓൺ‌ലൈൻ, ഓഫ്‌ലൈൻ ചാനലുകൾ വഴിയും ഹാൻഡ്സെറ്റിന്റെ ഫീനിക്സ് ബ്ലാക്ക്, ഗ്ലേഷ്യൽ ഗ്രീൻ, അൾട്രാമറൈൻ ബ്ലൂ വേരിയന്റുകൾ ലഭ്യമാകുമെന്ന് അറിയിച്ചു.

യുഎസിലെ ഫോണിന്റെ വിലയുമായി താരതമ്യപ്പെടുത്തുമ്പോൾ രണ്ട് ഫോണുകളുടെയും വില ഇപ്പോഴും രാജ്യത്ത് ഏറെ ഉയർന്നതാണ്. രണ്ട് ഫോണുകൾക്കും ക്വാൽകോമിന്റെ ഏറ്റവും ശക്തമായ ചിപ്‌സെറ്റ്, സ്‌നാപ്ഡ്രാഗൺ 865 SoC എന്നിവ ഉൾപ്പെടുന്നു. മോഡലിനും ചോയ്‌സ് വേരിയന്റിനും അനുസരിച്ച് 12 ജിബി റാമും 256 ജിബി സ്റ്റോറേജും കമ്പനി ജോടിയാക്കിയിട്ടുണ്ട്. രണ്ട് ഫോണുകളും 5ജി യാണ്.

തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
MORE IN MOBILES
SHOW MORE
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
FROM ONMANORAMA