ഷഓമി മി 10 അൾട്രാ പുറത്തിറങ്ങി, 120W ഫാസ്റ്റ് ചാർജിങ്, 16 ജിബി റാം, പിന്നിൽ 4 ക്യാമറകൾ
Mail This Article
മുൻനിര സ്മാർട് ഫോൺ നിർമാണ കമ്പനിയായ ഷഓമിയുടെ പുതിയ ഹാൻഡ്സെറ്റ് പുറത്തിറങ്ങി. മി 10 അൾട്രാ എന്ന പുതിയ പ്രീമിയം എൻഡ് സ്മാർട് ഫോൺ ചൈനയിലാണ് അവതരിപ്പിച്ചത്. സ്മാർട് ഫോൺ ബിസിനസ്സിലെ കമ്പനിയുടെ പത്താം വാർഷികം ആഘോഷിക്കുന്നതിന്റെ ഭാഗമായാണ് പുതിയ ഹാൻഡ്സെറ്റ് പുറത്തിറക്കിയത്.
120W ചാർജിങ് പിന്തുണയും 120Hz സ്ക്രീൻ റിഫ്രഷ് റേറ്റും ഉൾപ്പെടെ നിരവധി പുതിയ ഫീച്ചറുകളോടെ പ്രഖ്യാപിച്ച പ്രീമിയം സെഗ്മെന്റ് ഓഫറാണ് ഉപകരണം. നിലവിൽ ചൈനീസ് വിപണിയിൽ മാത്രമേ ഫോൺ ലഭ്യമായിട്ടുള്ളൂ. ഇന്ത്യ പോലുള്ള മറ്റ് വിപണികളിൽ വിപണിയിലെത്തിക്കാനുള്ള പദ്ധതികളൊന്നും ഷഓമി വെളിപ്പെടുത്തിയിട്ടില്ല.
മി 10 അൾട്രയുടെ 8 ജിബി റാം, 128 ജിബി സ്റ്റോറേജ് വേരിയന്റിന്റെ വില സിഎൻവൈ 5,299 ആണ്. 8 ജിബി റാം / 256 ജിബി സ്റ്റോറേജ് വേരിയന്റിന്റെ വില സിഎൻവൈ 5,599, 12 ജിബി റാം / 256 ജിബി സ്റ്റോറേജ്, 16 ജിബി റാം / 512 ജിബി സ്റ്റോറേജ് വേരിയന്റുകൾ യഥാക്രമം സിഎൻവൈ 5,999, സിഎൻവൈ 6,999 എന്നിവയാണ്. ഒബ്സിഡിയൻ ബ്ലാക്ക്, മെർക്കുറി സിൽവർ, ട്രാൻസ്പരന്റ് എഡിഷൻ എന്നിങ്ങനെ മൂന്ന് നിറങ്ങളിൽ ഫോൺ ലഭ്യമാക്കിയിട്ടുണ്ട്.
120 ഹെർട്സ് റിഫ്രഷ് റേറ്റിനൊപ്പം 6.67 ഇഞ്ച് ഫുൾ എച്ച്ഡി പ്ലസ് ഒഎൽഇഡി ഡിസ്പ്ലേയാണ് മി 10 അൾട്രയിൽ വരുന്നത്. 16 ജിബി എൽപിഡിഡിആർ 5 റാമും 512 ജിബി യുഎഫ്എസ് 3.1 സ്റ്റോറേജുമായി ജോടിയാക്കിയ ക്വാൽകം സ്നാപ്ഡ്രാഗൺ 865 പ്ലസ് ഉണ്ട്. താപനില കൈകാര്യം ചെയ്യുന്നതിനായി വിസി ലിക്വിഡ് കൂളിങ്, മൾട്ടി-ലെയർ ഗ്രാഫൈറ്റ്, തെർമൽ സെൻസർ അറേ, ഗ്രാഫിൻ തുടങ്ങിയ സവിശേഷതകളോടെയാണ് ഫോൺ വരുന്നത്.
120W ചാർജിങ് പിന്തുണയോടെ ജോടിയാക്കിയ 4,500 എംഎഎച്ച് ബാറ്ററിയാണ് ഫോണിലുള്ളത്. എംഐയുഐ 12 ആണ് ഒഎസ് പതിപ്പ്. 50W വയർലെസ് ഫാസ്റ്റ് ചാർജിങിനുള്ള പിന്തുണയും ഫോൺ വാഗ്ദാനം ചെയ്യുന്നു. ക്യാമറകളുടെ കാര്യത്തിൽ 48 മെഗാപിക്സൽ പ്രൈമറി സെൻസർ, 20 മെഗാപിക്സൽ അൾട്രാ വൈഡ് സെൻസർ, 12 മെഗാപിക്സൽ പോർട്രെയിറ്റ് സെൻസർ, 120 എക്സ് അൾട്രാ സൂം പിന്തുണയുള്ള ടെലിഫോട്ടോ ലെൻസ് എന്നിവയുള്ളതാണ് ഫോണിന്റെ ക്വാഡ് റിയർ ക്യാമറ സജ്ജീകരണം. ഫോണിൽ ലേസർ ഓട്ടോ ഫോക്കസും ഫ്ലിക്കർ സെൻസറും ഉൾപ്പെടുന്നു. കൂടാതെ, പ്രൈമറി, ടെലിഫോട്ടോ സെൻസറിൽ നിന്ന് 8 കെ വിഡിയോകൾ റെക്കോർഡു ചെയ്യാനും മി 10 അൾട്രാ പിന്തുണയ്ക്കുന്നു. സെൽഫികൾക്കായി 20 മെഗാപിക്സൽ ക്യാമറയും ഉണ്ട്.
English Summary: Xiaomi Mi 10 Ultra launched, brings 120Hz display, 120W fast charging