ADVERTISEMENT

ഐക്യൂ നിയോ8 സീരീസ് ചൊവ്വാഴ്ച ചൈനയിൽ അവതരിപ്പിച്ചു. ഈ സീരീസിൽ അടിസ്ഥാന ഐക്യൂ നിയോ 8, നിയോ 8 പ്രോ മോഡലുകൾ ഉൾപ്പെടുന്നു. ഹാൻഡ്‌സെറ്റുകൾ മൂന്ന് കളർ വേരിയന്റുകളിലാണ് വരുന്നത്. 144Hz റിഫ്രഷ് റേറ്റുള്ള 6.78 ഇഞ്ച് 1.5കെ അമോലെഡ് ഡിസ്‌പ്ലേകളാണ് സ്‌മാർട് ഫോണുകൾക്കുള്ളത്. ഐക്യൂ നിയോ 8 ന്റെ 12 ജിബി റാം + 256 ജിബി സ്റ്റോറേജ് വേരിയന്റിന് 2,499 യുവാൻ (ഏകദേശം 29,300 രൂപ) ആണ് വില. അതേസമയം, 12 ജിബി റാം + 512 ജിബി സ്റ്റോറേജ്, 16 ജിബി റാം + 512 ജിബി സ്റ്റോറേജ് വേരിയന്റുകൾക്ക് യഥാക്രമം 2,799 യുവാൻ (ഏകദേശം 32,800 രൂപ), 3,099 യുവാൻ (ഏകദേശം 36,400 രൂപ) എന്നിങ്ങനെയാണ് വില.

 

ഐക്യൂ നിയോ 8 പ്രോയുടെ 16 ജിബി റാം + 256 ജിബി സ്റ്റോറേജ്, 16 ജിബി റാം + 512 ജിബി സ്റ്റോറേജ് വേരിയന്റുകൾക്ക് യഥാക്രമം 3,299 യുവാൻ (ഏകദേശം 38,700 രൂപ), 3,599 യുവാൻ (ഏകദേശം 42,300 രൂപ) എന്നിങ്ങനെയാണ് വിപണി വില. രണ്ട് ഐക്യൂ നിയോ 8  ഫോണുകളും നൈറ്റ് റോക്ക്, മാച്ച് പോയിന്റ്, സർഫ് എന്നീ മൂന്ന് കളർ വേരിയന്റുകളിലാണ് വരുന്നത്. മേയ് 31 മുതൽ ഫോണുകൾ വിൽപനയ്‌ക്കെത്തും. പ്രീ-ഓർഡറുകൾ മേയ് 23 ന് ആരംഭിച്ചു.

 

ഐക്യൂ നിയോ 8, ഐക്യൂ നിയോ 8 പ്രോ എന്നിവയ്ക്ക് 144Hz റിഫ്രഷ് റേറ്റും 2160Hz പിഡബ്ല്യുഎം ഡിമ്മിങ്ങുമുള്ള 6.78 ഇഞ്ച് 1.5കെ (2800 x 1260 പിക്സലുകൾ) അമോലെഡ് ഡിസ്പ്ലേ ഉണ്ട്. ഐക്യൂ നിയോ 8ന് അഡ്രിനോ ജിപിയുമായി ജോടിയാക്കിയ ഒക്ടാ-കോർ ക്വാൽകോം സ്‌നാപ്ഡ്രാഗൺ 8+ ജെൻ 1 ആണ് പ്രോസസർ. അതേസമയം നിയോ 8 പ്രോയിൽ ഇമ്മോർടാലിസ് ജി715 ( Immortalis-G715) ജിപിയുമായി ജോടിയാക്കിയ ഒക്ടാ-കോർ മീഡിയടെക് ഡൈമൻസിറ്റി 9200 പ്ലസ് ചിപ്‌സെറ്റ് സജ്ജീകരിച്ചിരിക്കുന്നു. 16 ജിബി വരെ LPDDR5 റാമും 512 ജിബി വരെ യുഎഫ്എസ് 4.0 ഇൻബിൽറ്റ് സ്റ്റോറേജും ഈ സീരീസിൽ ഉൾപ്പെടുത്തിയിരിക്കുന്നു. ആൻഡ്രോയിഡ് 13 അടിസ്ഥാനമാക്കിയുള്ള ഒറിജിൻ ഒഎസ് 3.0 ലാണ് ഹാൻഡ്സെറ്റ് പ്രവർത്തിപ്പിക്കുന്നത്.

 

ഐക്യൂ നിയോ 8 ൽ 50 മെഗാപിക്‌സൽ പ്രൈമറി സെൻസറും ബോക്കെ ലെൻസുള്ള 2 മെഗാപിക്‌സൽ സെൻസറും ഉൾപ്പെടുന്നു. അതേസമയം ഐക്യൂ നിയോ 8 പ്രോയിൽ 50 മെഗാപിക്‌സൽ സോണി IMX866V പ്രധാന സെൻസറും 8 മെഗാപിക്‌സൽ സെൻസറും സജ്ജീകരിച്ചിരിക്കുന്നു. രണ്ട് മോഡലുകളിലും 16 മെഗാപിക്സൽ ഫ്രണ്ട് ക്യാമറ സെൻസറാണ് ഉൾപ്പെടുത്തിയിരിക്കുന്നത്.

 

രണ്ട് ഹാൻഡ്‌സെറ്റുകളിലും 120W ഫാസ്റ്റ് ചാർജിങ് ശേഷിയുള്ള 5,000 എംഎഎച്ച് ബാറ്ററിയുണ്ട്. ഐക്യൂ നിയോ 8, ഐക്യൂ നിയോ 8 പ്രോ എന്നിവ യുഎസ്ബി ടൈപ്പ്-സി ചാർജിങ് പോർട്ടുകളും ഇൻ-ഡിസ്‌പ്ലേ ഫിംഗർപ്രിന്റ് സെൻസറുകളുമായാണ് വരുന്നത്. 5ജി, 4ജി, വൈ-ഫൈ 7, ബ്ലൂടൂത്ത് 5.3, ജിപിഎസ്, എൻഎഫ്സി കണക്റ്റിവിറ്റി എന്നിവയെ പിന്തുണയ്ക്കുന്നു.

 

English Summary: iQOO Neo 8 series with 120W fast charging, 50MP camera launched: price, specifications

ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
അവശ്യസേവനങ്ങൾ കണ്ടെത്താനും ഹോം ഡെലിവറി  ലഭിക്കാനും സന്ദർശിക്കു www.quickerala.com