ഈ ഫീച്ചറുകൾ കൊള്ളാം, വാട്സാപ്പ് ഉപയോഗിക്കുന്നവർ അറിയാൻ
![whatsapp--avif whatsapp--avif](https://img-mm.manoramaonline.com/content/dam/mm/mo/technology/social-media/images/2023/10/7/whatsapp-.avif?w=1120&h=583)
Mail This Article
സന്ദേശ കൈമാറ്റ സംവിധാനമെന്ന നിലയിൽനിന്നു വാട്സാപ് വളരെ വേഗം പഴ്സണൽ അസിസ്റ്റന്റെന്ന നിലയിലേക്കു വളരുകയാണെന്നു സൂചനയുമായി നിരവധി സംവിധാനങ്ങൾ പുതിയതായി അവതരിപ്പിച്ചു മെറ്റ. പലപ്പോഴും നാം നിലവിൽ ഈ സേവനങ്ങൾ ഉപകാരപ്പെടുത്താറുണ്ട്. അത്തരം സംവിധാനങ്ങൾ ഔദ്യോഗികമായിത്തന്നെ ഏറ്റവും പുതിയ ഫീച്ചറുകളായി അവതരിപ്പിച്ചിരിക്കുകയാണ്. പരിശോധിക്കാം
∙ഇൻബോക്സ് കള്ളം പറയില്ല
വീട്ടിലേക്കു വാങ്ങാനുള്ളവയുടെ ലിസ്റ്റ് അടുത്ത സുഹൃത്തിനോ അല്ലെങ്കിൽ പങ്കാളിക്കോ അയച്ചു നൽകിയശേഷം. ഷോപ്പിലെത്തി എടുത്തു നോക്കുന്ന ശീലം ഉള്ളവരാണോ നിങ്ങള്. എങ്കിൽ ഇത്തരം ഷോപിങ് ലിസ്റ്റുകൾ സ്വന്തം ഇൻബോക്സിലേക്കുതന്നെ അയച്ചശേഷം പിന്നീടു പരിശോധിക്കാം.
∙തെറ്റുപറ്റിപ്പോയി ക്ഷമിക്കണം
ഒരു സന്ദേശം ധൃതിയിൽ അയച്ചശേഷമാണോ അതിലെ തെറ്റുകണ്ടെത്തിയത്. എങ്കിൽ മുൻപത്തെപ്പോലെ മാപ്പ് ചോദിക്കേണ്ട കാര്യമില്ല. അവർ കാണുന്നതിനു മുൻപ് സന്ദേശം എഡിറ്റു ചെയ്യാം. ഇമോജിയും മാറ്റാം.
∙ഇവിടെ വാഡോ!
ഒരു കോൺഫറൻസ് കോൾ വാട്സാപ്പിൽ ഇനി ഷെഡ്യൂൾ ചെയ്യാൻ വളരെ എളുപ്പം. കോളുകൾ ടാബ് ടാപ്പ് ചെയ്യുക . കോൾ ലിങ്ക് സൃഷ്ടിക്കുക ടാപ്പ് ചെയ്യുക . നിങ്ങളുടെ കോൾ രീതി വിഡിയോ അല്ലെങ്കിൽ ശബ്ദം തിരഞ്ഞെടുക്കുക.ലിങ്ക് കോപ്പി ചെയ്യുക, WhatsApp-ൽ പങ്കിടാൻ WhatsApp വഴി ലിങ്ക് അയയ്ക്കുക.
∙60 സെക്കൻഡിലൊരു സ്വകാര്യം
നിങ്ങൾക്ക് ഇപ്പോൾ ചാറ്റിൽ നേരിട്ട് ചെറിയ വിഡിയോകൾ റെക്കോർഡ് ചെയ്യാനും പങ്കിടാനും കഴിയും. 60 സെക്കൻഡിനുള്ളിൽ നിങ്ങൾ പറയേണ്ടതെന്തും കാണിക്കാനും ചാറ്റുകളോട് പ്രതികരിക്കാനുമുള്ള ഒരു തത്സമയ മാർഗമാണ് വിഡിയോ സന്ദേശങ്ങൾ.
![whatsapp-representative Image Credit: Worawee Meepian/Shutterstock](https://img-mm.manoramaonline.com/content/dam/mm/mo/config-assets/mo-default.jpg)
സൈലൻസ് പ്ലീസ്
അജ്ഞാത നമ്പറുകളിൽ നിന്നുള്ള കോളുകൾ നിശബ്ദമാക്കാൻ ഈ സവിശേഷത നിങ്ങളെ അനുവദിക്കുന്നു,