കരുതലോടെയിരിക്കണം; കർശന ജാഗ്രതാ നിർദേശവുമായി ഡബ്ല്യുഎച്ച്ഒ

വടക്കൻ ചൈനയിൽ വ്യാപകമായി ശ്വാസകോശ രോഗം റിപ്പോർട്ട് ചെയ്യുന്നതിനു പിന്നാലെ, കടുത്ത ജാഗ്രതാ നിർദേശവുമായി ലോകാരോഗ്യ സംഘടന. മുൻകരുതൽ നടപടികളെടുക്കാനും രോഗവ്യാപനത്തിന്റെ വിശദാംശങ്ങൾ ലഭ്യമാക്കാനും ഡബ്ല്യുഎച്ച്ഒ ചൈനയോട് ആവശ്യപ്പെട്ടു. നവംബർ മധ്യത്തിലാണു ശ്വാസകോശ രോഗം കൂടുന്നെന്ന് ചൈനീസ് ആരോഗ്യ കമ്മിഷൻ സ്ഥിരീകരിച്ചത്. ഇതിനിടെയാണു കുട്ടികൾക്കു കൂട്ടത്തോടെ ന്യുമോണിയ പിടിക്കുന്നുവെന്ന റിപ്പോർട്ട്.