sections
MORE

'സ്ഫടിക നദി', വേരുകൾ പിരിച്ചുണ്ടാക്കുന്ന പാലം; സ്വപ്ന തുല്യമീ കാഴ്ചകൾ

meghalaya
മേഘലയിലെ കാഴ്ചകൾ
SHARE

നിത്യഹരിത പീഠഭൂമിയാണ് മേഘാലയ. മേഘങ്ങളുടെ ആലയം എന്ന അർഥമുള്ള മേഘാലയ കാഴ്ചകള്‍ കൊണ്ട് സത്യത്തിൽ ആരെയും മോഹിപ്പിക്കും . സഞ്ചാരികൾക്കായി സുന്ദരകാഴ്ചകളാണ് ഇവിടെ ഒരുക്കിയിരിക്കുന്നത്. വളരെ പ്രസന്നമായ കാലാവസ്ഥയും മനോഹരമായ ഭൂപ്രകൃതിയുമാണ് മുഖ്യാകർഷണം. ഇന്ത്യയിലെ ഏഴ് സഹോദരസംസ്ഥാനങ്ങളിലൊന്നാണ് ഇവിടം. മേഘാലയയിലെ ടൂറിസ്റ്റ് സ്പോട്ടുകളെക്കുറിച്ച് അറിയാം.

∙ മേഘാലയത്തിലെ ഏറ്റവും മനോഹരമായ സ്ഥലങ്ങളിലൊന്നാണ് ഡോകി അഥവാ ഡൗകി (Dawki/Dauki). ഇന്ത്യ–ബംഗ്ലാദേശ് അതിർത്തിക്കു സമീപമുള്ള ഈ ഗ്രാമം ഫൊട്ടോഗ്രഫി ഹോബിയാക്കിയവർക്ക് ഏറെ പ്രിയങ്കരമാണ്.

∙സ്ഫടികം പോലെ തെളിഞ്ഞ ജലമുള്ള ഡൗകി നദിയും സമീപത്തു തന്നെയുള്ള പാറക്കെട്ടുകളും തൂക്കു പാലവും മരങ്ങളുടെ വേരുകൾ പിരിച്ചുണ്ടാക്കുന്ന പാലവുമൊക്കെയാണ് ഇവിടുത്തെ പ്രധാന ആകർഷണങ്ങൾ.

593328256
മേഘലയിലെ കാഴ്ചകൾ

∙മേഘാലയയിലെ വെസ്റ്റേൺ ജയന്ത ഹിൽസ് ജില്ലയിൽപെടുന്ന ഡൗകിയിലേക്ക് ഷില്ലോങ്ങിൽ നിന്നും 80 കിലോമീറ്റർ ദൂരമുണ്ട്.

∙റയിൽ മാര്‍ഗമോ വിമാനത്തിലോ ആസാമിന്റെ തലസ്ഥാനമായ ഗുവാഹത്തിയിൽ എത്തിയാൽ അവിടെ നിന്ന് റോഡ് മാർഗം ഷില്ലോങ്ങിലെത്താം. ഇവിടെ നിന്നും രണ്ടരമണിക്കൂർ യാത്രയുണ്ട് ഡൗകിയിലേക്ക്. 

∙ശാന്തവും സ്വച്ഛവുമായ പ്രകൃതി സൗന്ദര്യം ആസ്വദിക്കുന്നതോടൊപ്പം ഡൗകി നദിയിൽ വഞ്ചി തുഴയുന്നതിനുള്ള സൗകര്യവുമുണ്ട്. ഉമങ്ഗോട് നദിക്കു കുറുകെയുള്ള ഡൗകി തൂക്കുപാലം പ്രശസ്തമാണ്.

∙ഡൗകിയിൽ നിന്നും 10 മിനിട്ടു സഞ്ചരിച്ചാൽ ഇന്ത്യ –ബംഗ്ലാദേശ് അതിർത്തി സന്ദർശിക്കാനാകും.

∙നവംബർ മുതൽ ജൂലൈ വരെയാണ് യാത്രയ്ക്ക് ഏറ്റവും നല്ല സമയം. മഴക്കാലത്ത് നദിയിലെ ജലം കലങ്ങിമറിയുന്നതാകും, തനതായ ഭംഗി അപ്പോൾ ദൃശ്യമാകുകയില്ല. മേഘാലയത്തിലെ മറ്റു സ്ഥലങ്ങളിൽ നിന്നും വ്യത്യസ്തമായി അല്പം ചൂടുകാലാവസ്ഥയാണ് സാധാരണ ഇവിടെ അനുഭവപ്പെടുക.

തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
MORE IN TRAVEL INDIA
SHOW MORE
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
FROM ONMANORAMA