sections
MORE

സഞ്ചാരികൾക്ക് പുത്തനനുഭവം സമ്മാനിക്കും മാണ്ഡ്‍വി ബീച്ച്

Beautiful-Serena-Beach%2c-Mandvi
SHARE

മികച്ച തുറമുഖമെന്നു പേരു കേട്ടിരുന്ന മാണ്ഡ്‍വി ഇപ്പോൾ ബീച്ച് വിനോദ സഞ്ചാരത്തിന് പ്രശസ്തമാണ്. 

∙വാട്ടർ സ്കൂട്ടർ, സ്കീയിങ്, സർഫിങ്, പാരാസെയിലിങ്, സ്പീഡ് ബോട്ട് യാത്ര തുടങ്ങി കടലുമായി ബന്ധപ്പെട്ട വിനോദങ്ങൾക്ക് അറബിക്കടലിന്റെ ഈ തീരത്ത് സൗകര്യമുണ്ട്. സമീപത്തെ ചെറുപട്ടണം വൈവിധ്യമാർന്ന കാഴ്ചകൾ ഒരുക്കുന്നു. 

∙ഗുജറാത്തിലെ കച്ച് ജില്ലയിൽ ഉൾപ്പെട്ട മാണ്ഡ്‍വി തീരം വൃത്തിയും ശുചിത്വവും സൂക്ഷിക്കുന്നു. ദേശാടന പക്ഷികൾ ഉൾപ്പെടെ ധാരാളം പക്ഷികളെ ഈ തീരത്ത് കാണാം.

∙16–ാം നൂറ്റാണ്ടിൽ തുറമുഖ നഗരമായി സ്ഥാപിക്കപ്പെട്ട മാണ്ഡ്‍വി പിന്നീട് കച്ച് ഭരണാധികാരികളുടെ വേനൽക്കാല വാസകേന്ദ്രമായി മാറുകയായിരുന്നു.

936095726

∙വർഷം മുഴുവൻ സന്ദർശനയോഗ്യമെങ്കിലും ഒക്ടോബർ മുതൽ മേയ് വരെയാണ് സുഖകരമായ കാലാവസ്ഥ.

∙തുറമുഖ നഗരമായി മാണ്ഡ്‍വി വികസിച്ച കാലത്തു തുടങ്ങിയ കപ്പൽ നിർമാണം ഇന്നും തുടരുന്നു. നൂറ്റാണ്ടുകൾ പഴക്കമുള്ള ഉരു നിർമാണശാല സന്ദർശിക്കുന്നത് വേറിട്ട അനുഭവമാണ്. 

∙അറബിക്കടലിനെ അഭിമുഖീകരിച്ച് സ്ഥിതി ചെയ്യുന്ന വിജയ വിലാസ് പാലസ് ഇവിടത്തെ ആകർഷണമാണ്. 1920 ൽ കച്ച് മഹാരാജാവ് പണി കഴിപ്പിച്ച കൊട്ടാരത്തിന്റെ രൂപകൽപന യിൽ ബംഗാൾ, രാജസ്ഥാൻ വാസ്തു ശൈലി സമന്വയി ച്ചിരിക്കുന്നു. 

∙ജൈന മഹാക്ഷേത്രമായ 72 ജൈനാലയയും ശ്യാംജി കൃഷ്ണ വർമ മെമോറിയലും മാണ്ഡ്‍വി തീരത്തോട് ചേർന്ന് കാണേണ്ട കാഴ്ചകളാണ്.

∙എത്തിച്ചേരുന്ന വിധം : ഭുജ് (57 കിമീ), ജാം നഗർ (82 കിമീ) എന്നിവ സമീപ വിമാനത്താവളങ്ങൾ. 49 കി.മീ അകലെയുള്ള ഓഖയാണ് ഏറ്റവുമടുത്തുള്ള റയിൽവേ സ്റ്റേഷൻ. ഗുജറാത്തിലെ എല്ലാ നഗരങ്ങളുമായും മാണ്ഡ്‍വി റോഡ് മാർഗം ബന്ധിപ്പിച്ചിട്ടുണ്ട്. 

തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
MORE IN TRAVEL INDIA
SHOW MORE
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
FROM ONMANORAMA