sections
MORE

രാജ്ഗഡ് കോട്ടയിലേക്ക് ട്രെക്കിങ്ങിന് എത്തിച്ചേരുന്നതെങ്ങനെ?

1014754414
SHARE

മഹാരാഷ്ട്രയിൽ പുണെ അടുത്ത് പശ്ചിമഘട്ട മലനിരകളിലുള്ള മനോഹരമായൊരു കോട്ടയാണ് രാജ്ഗഡ് ഫോർട്ട്. 24 ചതുരശ്ര കി മീ വിസ്താരത്തിലുള്ള ഈ കോട്ട ശിവജിയുടെ ആദ്യ തലസ്ഥാനമായിരുന്നു.

∙പുണെ നഗരത്തിൽ നിന്ന് 50 കി മീ തെക്കാണ് ഈ കോട്ട സ്ഥിതി ചെയ്യുന്നത്. മുംബൈയിൽ നിന്ന് 200 കി മീ ദൂരം.

∙കോട്ടയിൽ എത്തിച്ചേരാൻ പല ട്രക്കിങ് റൂട്ടുകളുണ്ട്. അവയിൽ ഏറ്റവുമധികം ഉപയോഗിക്കുന്നത് ഗുഞ്ജ്‍‌വാണി ഗ്രാമത്തിൽ നിന്ന് ആരംഭിക്കുന്നതാണ്. ചോർ ദർവാസ വഴി പദ്മാവതി മാചിയിലേക്കുള്ള പാത എന്നറിയപ്പെടുന്ന ഈ വഴിയിൽ െചങ്കുത്തായ കയറ്റങ്ങൾ കയറണം. രണ്ടര മണിക്കൂറാണ് ശരാശരി ട്രക്കിങ് സമയം. പുണെയിൽ നിന്നു നർസപുർവഴി ഗുഞ്ജ്‌‍വാണിയിലെത്താം. 

∙ചോർ ദർവാസ പാതയെക്കാളും ദൂരം കൂടുതലാണെങ്കിലും ലളിതമായ ട്രക്കിങ്ങാണ് പാലി ദർവാസയിലൂടെയുള്ള പാത. ഈ പാതയിലെത്താൻ നർസപുരിൽ നിന്ന് വിൽഹെ ഗ്രാമത്തിലൂടെ പാബി ഗ്രാമത്തിലെത്തണം. മൂന്നു മണിക്കൂർ ആണ് ശരാശരി ട്രക്കിങ് സമയം.

∙ഗുഞ്ജ്‍വാണി ഗ്രാമത്തിൽ നിന്നു തന്നെ തുടങ്ങുന്ന മറ്റൊരു പാത സുവേല മാചിയിൽ എത്തുന്നുണ്ട്. കൊടുങ്കാറ്റും ദുഷ്കരമായ മലയിടുക്കുകളും താണ്ടുന്ന ഈ വഴി പരചയസമ്പന്നനായൊരു സഹായിക്കൊപ്പമേ സഞ്ചരിക്കാനാകൂ. സാധാരണക്കാർക്ക് ദുഷ്കരമായ മറ്റൊരു പാതയാണ് തോരണ കോട്ടയിൽ നിന്ന് രാജ്ഗഡ് കോട്ട വരെയുള്ള ട്രക്കിങ് റൂട്ട്.

∙കോട്ടയിൽ  എത്തിയാൽ പദ്മാവതി തടാകം, പദ്മാവതി ക്ഷേത്രം, രാമേശ്വരം ക്ഷേത്രം, ആലു ദർവാസ മുതലായ കാഴ്ചകളുണ്ട്. കോട്ടയ്ക്കുള്ളിലെ മൂന്നു സമതലസ്ഥല ങ്ങളായ പദ്മാവതി മാചി, സഞ്ജീവനി മാചി, സുവേല മാചി എന്നിവയും ആകർഷകമാണ്.

∙രാജ്ഗഡ് കോട്ടയിലേക്കുള്ള ട്രക്കിങ്ങിന് ഏറ്റവും അനുയോ ജ്യമായ സമയം നവംബർ, ഡിസംബർ മാസമാണ്. 

തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
MORE IN TRAVEL INDIA
SHOW MORE
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
FROM ONMANORAMA