പ്രായം ഒന്നിനും തടസ്സമാകരുതെന്ന് തന്റെ ജീവിതം കൊണ്ടു തെളിയിച്ചു മിനി അഗസ്റ്റിൻ എന്ന അൻപത്തിയഞ്ചുക്കാരി. കേരളത്തിൽനിന്നു രാജസ്ഥാനിലേക്ക് സോളോട്രിപ് നടത്തിയ സന്തോഷത്തിലാണ് ഇവർ. തനിച്ചെന്നു പറയാനാവില്ല, സന്തതസഹചാരിയായ ബുള്ളറ്റും മിനിക്കൊപ്പമുണ്ടായിരുന്നു! തനിച്ചു യാത്ര ചെയ്യുന്നവർ ധാരാളമുണ്ട്. എന്നാൽ മിനിയുടെ യാത്ര ഒരൽപം വ്യത്യസ്തമാണ്. യാത്ര എവിടേക്കുമാകട്ടെ, അത് ബുള്ളറ്റിലായിരിക്കുമെന്നു മാത്രം. ഇരുപത്തേഴാം വയസ്സിൽ ഒപ്പം കൂടിയ ബുള്ളറ്റ് ഒപ്പമില്ലാതെ മിനി നടത്തിയ യാത്രകൾ ചുരുക്കം.
