തൃശൂര്‍ പൊളിയല്ലേ; പോകാം പൂരങ്ങളുടെ നാട്ടിലേക്ക്

Thrissur-travel.jpg.image.845.440
SHARE

ഇനി തൃശൂര്‍ ജില്ലയുടെ പടിഞ്ഞാറൻ തീരം തേടാം. ഇക്കോ ടൂറിസത്തിനു പ്രസിദ്ധമായ വിലങ്ങൻകുന്ന്, നാട്ടിക ബീച്ച്, കഴിമ്പ്രം ബീച്ച് എന്നിവ സന്ദർശിക്കാം. 

വിലങ്ങൻകുന്ന്

തൃശൂരിന്റെ നഗരസൗന്ദര്യവും ഒപ്പം പച്ചവിരിച്ചുകിടക്കുന്ന പടിഞ്ഞാറൻ കോൾ നിലങ്ങളുടെ മനോഹാരിതയും ഒന്നിച്ച് ആസ്വദിക്കാവുന്ന സ്ഥലമാണ് തൃശൂരിടുത്ത് അടാട്ട് പഞ്ചായത്തിൽ സ്ഥിതിചെയ്യുന്ന വിലങ്ങൻകുന്ന്. ഈ കുന്നിൻമുകളിൽ നിന്നു നോക്കിയാൽ കിഴക്ക് സഹ്യപർവതവും പടിഞ്ഞാറ് അറബിക്കടലും കാണാം. 

THRISSUR-VILANGANKUNNU

സഞ്ചാരിൾക്കായി ഒട്ടേറെ സൗകര്യങ്ങൾ വിലങ്ങൻകുന്നിൽ ജില്ലാ ടൂറിസം പ്രമോഷൻ കൗൺ‌സിൽ ഒരുക്കിയിട്ടുണ്ട്. കലാസാംസ്കാരിക പ്രവർത്തനങ്ങൾക്കായി ഔട്ട്ഡോർ തിയറ്റർ, കുട്ടികൾക്കായി വാഗൺവീൽ സൗകര്യത്തോടു കൂടിയ പാർക്ക്, കുടുംബശ്രീ കന്റീൻ തുടങ്ങിയ സൗകര്യങ്ങളുണ്ട്. 180 ഡിഗ്രിയിൽ തിരിയുന്ന സീറ്റുകളോടു കൂടിയ സിക്സ്റ്റീൻ ഡി തിയറ്ററാണു പ്രധാന ആകർഷണം.

വെള്ളച്ചാട്ടവും മഞ്ഞും സുഗന്ധവുമെല്ലാം തിയറ്ററിൽ അനുഭവിക്കാനാകും. ഹൊറർ ഹൗസ്, ബലൂൺ പാർക്ക്, വീൽചെയർ സൗഹൃദ നടപ്പാത എന്നിവയും ഉണ്ട്. തൃശൂർ നഗരത്തിന്റെ വിവിധ തരത്തിലുള്ള കാഴ്ച സമ്മാനിക്കുന്ന 4 വ്യൂ പോയിന്റുകൾ ആണ് മറ്റൊന്ന്. 20 രൂപയാണ് പ്രവേശന ഫീസ്. രാവിലെ 9 മുതൽ വൈകിട്ട് 6 വരെയാണു പ്രവേശന സമയം. 

നാട്ടിക ബീച്ച്

തീരദേശ ദേശീയപാതയിലെ  നാട്ടിക സെന്ററിൽ നിന്നു  രണ്ടര കിലോമീറ്റർ  പടിഞ്ഞാറോട്ട് ചെന്നാൽ മനോഹരമായ  നാട്ടിക ബീച്ചിലെത്താം. മനോഹരമായ കടൽക്കാഴ്ചകൾ കാണാം.

nattika-beach

കടൽ കാണാൻ  ഇരിപ്പടങ്ങളും  മണ്ഡപങ്ങളും  ഉണ്ട്. ഇവിടെ  മീൻ പിടിക്കാൻ വള്ളങ്ങൾ കടലിൽ പോകുന്നതു  പതിവ് കാഴ്ച . ടൂറിസം വകുപ്പിന്റെ നേതൃത്വത്തിൽ  ഒരു കോടി രൂപ ചെലവഴിച്ച് തീരത്ത് നാട്ടിക ടൂറിസം പദ്ധതി നടപ്പാക്കിയിട്ടുണ്ട്.

കഴിമ്പ്രം ബീച്ച്

തീരദേശ ദേശീയപാതയിലെ  എടമുട്ടം സെന്ററില്‍  നിന്ന് ഏകദേശം രണ്ടര കിലോമീറ്റര്‍ പടിഞ്ഞാറാണ് കഴിമ്പ്രം ബീച്ച്.  ഇപ്പോള്‍ സ്വപ്നതീരം എന്ന് പേര്.

kazhibram-beach

കടൽക്കാഴ്ചകള്‍ക്ക് പറ്റിയ ഇടം. നോക്കെത്താ ദൂരത്തോളം തീരം. മനോഹരമായ നടപ്പാത, വശങ്ങളില്‍ വിളക്കുകള്‍, ഇരിപ്പടങ്ങള്‍, ഓപ്പണ്‍ തിയറ്റര്‍ എന്നിവ ഇവിടെയുണ്ട്. കുട്ടികളുടെ പാര്‍ക്ക്, വാച്ച് ടവര്‍ എന്നിവയുടെ നിര്‍മാണം നടക്കുന്നു.

English Summary: Thrissur Tourist Places

യാത്ര പ്ലാൻ ചെയ്യുകയാണോ? മികച്ച ടൂർ ഒാപ്പറേന്റർമാരെ കണ്ടെത്തൂwww.quickerala.com

തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
MORE IN TRAVEL KERALA
SHOW MORE
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
FROM ONMANORAMA