സഞ്ചാരികളുടെ തിരക്ക്; പരപ്പാറിൽ സവാരിക്ക് 10 കുട്ടവഞ്ചികൾ കൂടി

തെന്മല ∙ പരപ്പാറിലെ ഓളപ്പരപ്പിൽ ഉല്ലസിക്കാൻ കൂടുതൽ കുട്ടവഞ്ചികളെത്തി. വേനലവധി പ്രമാണിച്ച് സഞ്ചാരികളുടെ തിരക്കു കൂടിയതോടെയാണ് 10 കുട്ടവഞ്ചികൾ കൂടി എത്തിച്ചത്. നിലവിൽ സവാരി നടത്തുന്ന പത്തെണ്ണത്തിനു പുറമേയാണിത്. 

ശെന്തുരുണി ഇക്കോടൂറിസത്തിന്റെ നിയന്ത്രണത്തിലാണ് കുട്ടവഞ്ചി സവാരി പരപ്പാർ തടാകത്തിൽ നടക്കുന്നത്. ജില്ലയിലെ ഏക കുട്ടവഞ്ചി സവാരിയും തെന്മലയിൽ മാത്രമാണുള്ളത്. ഉദ്ഘാടനം കഴിഞ്ഞത് മുതൽ കുട്ടവഞ്ചി സവാരിക്കും മുളംചങ്ങാടത്തിലെ സവാരിക്കും നല്ല തിരക്കാണുള്ളത്.