sections
MORE

ഓപ്പൺ ഫോട്ടോഗ്രാഫി ഫൗണ്ടേഷൻ വെള്ളായണിയിലേക്ക് 'മൺസൂൺ ഫോട്ടോവാക്ക്' സംഘടിപ്പിക്കുന്നു

Photowalk-logo1
SHARE

തിരുവനന്തപുരം ജില്ലയിലെ ഏക  ശുദ്ധജലതടാകം സ്ഥിതിചെയ്യുന്ന  വെള്ളായണിയിലേക്ക് ഓപ്പൺ ഫോട്ടോഗ്രാഫി ഫൗണ്ടേഷൻറെ നേതൃത്വത്തിൽ 'മൺസൂൺ ഫോട്ടോവാക്ക്' സംഘടിപ്പിക്കുന്നു. ജൂൺ 23, ഞായറാഴ്ച രാവിലെ 9 മുതൽ വൈകിട്ട് 5 വരെ ഫോട്ടോവാക്ക്. ഡിജിറ്റൽ മീഡിയ ഫൗണ്ടേഷൻ (ഇന്ത്യ) എന്ന സംഘടനയുടെ ഭാഗമായ ഓപ്പൺ ഫോട്ടോഗ്രാഫി ഫൗണ്ടേഷൻറെ കേരളാ ചാപ്റ്ററാണ് ഈ ഏകദിന ഫോട്ടോവാക്ക് നടത്തുന്നത് .

ഒട്ടേറെ ജൈവ വൈവിധ്യമുള്ള കാർഷിക ഗ്രാമം കൂടിയായ വെള്ളായണിയുടെ മഴക്കാലത്തെ ഭംഗി ക്യാമറാക്കണ്ണുകളിലൂടെ ഒപ്പിയെടുക്കുന്നതിനൊപ്പം അനുദിനം കയ്യേറ്റങ്ങളാലും മലിനീകരണത്താലും വീർപ്പുമുട്ടിക്കൊണ്ടിരിക്കുന്ന കായലിന്റെയും പരിസരപ്രദേശങ്ങളുടെയും ദയനീയത ഫോട്ടോഗ്രാഫുകളായി പൊതുസമൂഹത്തിനു മുന്നിൽ അവതരിപ്പിക്കാനും ഈ ഫോട്ടോവാക്കിലൂടെ ഓപ്പൺ ഫോട്ടോഗ്രാഫി ഫൗണ്ടേഷൻറെ അണിയറയിലുള്ള പ്രകൃതി സ്നേഹികളായ ഫോട്ടോഗ്രാഫറൻമാർ ലക്ഷ്യമിടുന്നു.

ഫോട്ടോഗ്രാഫിയെ സ്നേഹിക്കുന്ന ഏതൊരാൾക്കും പ്രായ പരിധിയില്ലാതെ  പങ്കെടുക്കാവുന്ന രീതിയിലാണ്  ഫോട്ടോവാക്ക് സംഘടിപ്പിച്ചിരിക്കുന്നത്. നിങ്ങളുടെ കയ്യിലുള്ള സ്മാർട്ഫോണുകളുമായോ, ഡി.എസ്.എൽ.ആർ ക്യാമറകളുമായോ, അല്ലെങ്കിൽ മറ്റു ഡിജിറ്റൽ ക്യാമറകളുമായോ ഈ ഫോട്ടോവാക്കിന്റെ ഭാഗമാകാൻ സാധിക്കും. ഫോട്ടോഗ്രാഫിയിൽ പാലിക്കേണ്ട മര്യാദകളെക്കുറിച്ചും അടിസ്ഥാന നിയമങ്ങളെക്കുറിച്ചും  ഫോട്ടോഗ്രാഫിയിലെ അതിനൂതനരീതികളെക്കുറിച്ചുമെല്ലാം   ഈ രംഗത്തെ വിദഗ്ദ്ധർ ഫോട്ടോവാക്കിനിടെ ഇതിൽ പങ്കെടുക്കുന്നവർക്ക് അറിവ് പകർന്നു നൽകും.      

ഓപ്പൺ ഫോട്ടോഗ്രാഫി ഫൗണ്ടേഷൻ (ഒ.പി.എഫ്) വെള്ളായണിയിലേക്ക് സംഘടിപ്പിക്കുന്ന ഈ ഏകദിന  മൺസൂൺ ഫോട്ടോവാക്കിൽ പങ്കെടുക്കാൻ www.facebook.com/openphotographyfoundation എന്ന ഫേസ്‌ബുക്ക് പേജ് സന്ദർശിക്കാവുന്നതാണ്. ആദ്യം രജിസ്റ്റർ ചെയ്യുന്ന 60 പേർക്ക് മാത്രമാണ് ഈ  ഫോട്ടോവാക്കിൽ പങ്കെടുക്കാൻ അവസരം ലഭിക്കുക. ഈ പരിപാടിയെക്കുറിച്ചുള്ള കൂടുതൽ വിവരങ്ങൾക്ക് ഫോട്ടോവാക്ക് കോർഡിനേറ്റർ സെയ്ദ് ഷിയാസ് മിർസയെ 9447115718 എന്ന നമ്പറിൽ ബന്ധപ്പെടാവുന്നതാണ്.

തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
MORE IN TRAVEL NEWS
SHOW MORE
FROM ONMANORAMA