കുറഞ്ഞ ചെലവിൽ വേളാങ്കണ്ണിയിലേക്ക്; കെഎസ്ആർടിസിയുടെ തീർത്ഥാടന യാത്ര

Velankanni-travel
SHARE

കേരളത്തിലെ വിനോദസഞ്ചാര കേന്ദ്രത്തിലേക്കുള്ള ആനവണ്ടി ഉല്ലാസയാത്ര വൻഹിറ്റായതോടെ സംസ്ഥാനത്തിന് പുറത്തേക്കുള്ള യാത്രയ‌ും ആരംഭിച്ചിരിക്കുകയാണ്. യാത്രകർക്കാർക്കായി വേളാങ്കണ്ണി തീർത്ഥാടന യാത്രയാണ് ആനവണ്ടി ഒരുക്കിയിരിക്കുന്നത്. കെഎസ്ആർടിസി ബജറ്റ് ടൂറിസം സെല്ലിന്റെ ആഭിമുഖ്യത്തിൽ കൊല്ലത്ത് നിന്നും വേളാങ്കണ്ണിയിലേക്കുള്ള യാത്രയ്ക്ക് തുടക്കമായി.  

കൊല്ലത്ത് നിന്ന് എല്ലാ വെള്ളി , ശനി, ഞായർ  ദിവസങ്ങളിൽ രാവിലെ 5.15 ന്  ആരംഭിക്കുന്ന യാത്ര വി.ദൈവസഹയ പിള്ള രക്ത സാക്ഷിത്വം വരിച്ച പള്ളിയും (കാറ്റാടിമല), ഒരിയൂർ വി.ജോൺ ഡി ബ്രിട്ടോ യുടെ ദേവാലയവും സന്ദർശിച്ചു അന്നേ ദിവസം രാത്രിയോടെ വേളാങ്കണ്ണിയിൽ എത്തി ചേരും. അടുത്ത ദിവസം രാവിലെ 9 മണിക്കുള്ള മലയാളം കുർബാനക്ക് ശേഷം വൈകുന്നേരം 4 മണിയോട് കൂടി യാത്ര തിരിച്ചു അടുത്ത ദിവസം അതിരാവിലെ തിരികെ എത്തിച്ചേരുന്ന പോലെയാണ് സർവീസ് ക്രമീകരിച്ചിരുക്കുന്നത്.

കൊല്ലത്ത് നിന്ന് ആരംഭിച്ച തീർത്ഥാടനയാത്ര കൊല്ലം രൂപത ബിഷപ്പ് ഡോ: പോൾ ആന്റണി മുല്ലശ്ശേരി ആശീർവദിച്ചു. കൊല്ലം യൂണിറ്റധികാരി  അജിത്ത് കുമാർ, ബി.ടി.സി കൊല്ലം ജില്ലാ കോ-ഓർഡിനേറ്റർ കെ.ജി രാജേഷ് എന്നിവർ ചടങ്ങിൽ പങ്കെടുത്തു. 

പ്രാരംഭ ഓഫർ എന്ന നിലയിൽ ടിക്കറ്റ് നിരക്ക് ഒരു സീറ്റിനു 2,200 രൂപ മാത്രമാണ് ഈടാക്കുന്നത്. ടിക്കറ്റുകൾ ഒറ്റയ്ക്കോ ഗ്രൂപ്പായോ ബുക്ക് ചെയ്യാവുന്നതാണ്. കൂടുതൽ വിവരങ്ങൾക്കും ബുക്കിങ്ങിനും ആയി :-+91-89215 52722, +91-99950 44775 ,+91-89219 50903, 91-94966 75635 എന്നി നമ്പറുകളിൽ ബന്ധപ്പെടുക.

English Summary: Kollam Ksrtc Announces Velankanni Budget Tourism Trip

ടൂർ പ്ലാൻ ചെയ്തോളൂ, ട്രാവൽ എക്സ്പേർട്ടിനെ കണ്ടെത്താം ! www.quickerala.com

തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ

ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
Video

2022 ജൂലൈ മാസഫലം | July Monthly Prediction 2022 | Monthly Horoscope Malayalam | Malayalam Astrology

MORE VIDEOS
FROM ONMANORAMA