തായ് എയർവേയ്സിന് കൊച്ചിയിൽ നിന്ന് പ്രീമിയം വിമാന സർവീസുകൾ

തായ് എയർവേയ്സിന് ബാങ്കോക്ക് -കൊച്ചി സർവിസിന് തുടക്കം. ബാങ്കോക്ക് സുവർണഭൂമി രാജ്യാന്തര വിമാനതാവളത്തിൽ നിന്നും കൊച്ചിയിലേക്ക് നേരിട്ട് തായ് എയർവേസ് സർവീസ് ആരംഭിച്ചു, രാത്രി 12 മണിയോടെ ലാൻഡ് ചെയ്ത വിമാനത്തെ സിയാൽ അധികൃതർ വാട്ടർ സല്യൂട്ട് നൽകി,  ആഴ്ചയിൽ  ബുധൻ, വെള്ളി, ഞായർ എന്നീ ദിവസങ്ങളിലാണ് കൊച്ചിക്ക് സർവീസ് ഉള്ളത് എയർബസ് A320 ആണ് സർവീസിനു ഉപയോഗിക്കുന്നത്.

കൊച്ചിയിൽ നിന്ന് ബുധൻ, വെള്ളി, ഞായർ ദിവസങ്ങളിൽ രാത്രി 1.40 ന് പുറപ്പെട്ട് രാവിലെ 7.35 ന് ബാങ്കോക്കിലെത്തും.

ഓസ്ട്രേലിയ, ന്യൂസിലൻഡ് തുടങ്ങിയ രാജ്യങ്ങളിലേക്ക് തത്സമയ കണക്ഷൻ വിമാനങ്ങൾ സുവർണഭൂമി വിമാനത്താവളത്തിൽ നിന്ന് ലഭ്യമാകും.

ഇതോടെ ബാങ്കോക്കിലേക്ക് കൊച്ചിയിൽ നിന്നുള്ള സർവീസുകളുടെ എണ്ണം ആഴ്ചയിൽ 10 ആയി.