സ്ത്രീകളുടെ കയ്യിലെ മോതിരവിരലിന്‌ ചൂണ്ടുവിരലിനേക്കാൾ നീളമുണ്ടെങ്കിൽ
Mail This Article
കൈയിലെ രേഖകൾ നോക്കി ഭാവി പറയുന്നതുപോലെ വിരലുകളുടെ നീളം അനുസരിച്ചു ഒരു വ്യക്തിയുടെ സ്വഭാവം മനസ്സിലാക്കാം.പൊതുവെ നീളം കൂടിയ വിരലുകൾ ഉള്ളവർ സൗഹൃദപ്രിയരും ക്ഷമയോടെ കാര്യങ്ങളെ സമീപിക്കുന്നവരും ശാന്തശീലരും ആയിരിക്കും. എന്നാൽ കുറുകിയ വിരലുകളുള്ളവർ എന്തും വെട്ടിത്തുറന്നു പറയുന്നവരും ക്ഷിപ്രകോപികളുമായിരിക്കും . ഈ കോപം വളരെ കുറച്ചു നേരത്തേക്ക് മാത്രമേ കാണൂ എന്ന് മാത്രം.
മോതിര വിരൽ ചൂണ്ടു വിരലിനേക്കാൾ നീളമുള്ള സ്ത്രീകൾ പൊതുവെ കുടുംബ ബന്ധങ്ങൾക്ക്‌ വില നൽകുന്നവരും സാഹസികരും ചഞ്ചല ഹൃദയരുമായിരിക്കും . ഇക്കൂട്ടരുടെ സാമ്പത്തികനില എപ്പോഴും ഭദ്രമായിരിക്കും . ബാഹ്യവും ആന്തരികവുമായ സൗന്ദര്യത്തിനു ഉടമയായിരിക്കും . ദേഷ്യപ്രകൃതരായ ഇവർ പെട്ടെന്നു ശാന്തരാവുകയും പറഞ്ഞ കാര്യങ്ങളെല്ലാം മറക്കുകയും ചെയ്യും. സ്നേഹിക്കുന്നവർക്ക് വിശ്വസ്തരായിരിക്കും. തൊഴില്‍പരമായി ഉന്നതിയിലെത്താൻ യോഗവു മുള്ളവരുമാണ് .
മോതിര വിരല്‍ ചൂണ്ടുവിരലിനേക്കാള്‍ നീളം കുറഞ്ഞ സ്ത്രീകൾ ഏകാന്തത ഇഷ്ടപ്പെടുന്നവരായിരിക്കും. പ്രശ്നങ്ങളെ യുക്തിപൂർവം പരിഹരിക്കുന്നവരും നേതൃപാടവം ഉള്ളവരും ആയിരിക്കും . വ്യക്തി ബന്ധങ്ങളേക്കാൾ ജീവിത മൂല്യത്തിനു വിലകൽപ്പിക്കുന്നവരായിരിക്കും. അതിനാൽത്തന്നെ ഇക്കൂട്ടരുടെ കുടുംബബന്ധങ്ങളിൽ ഉലച്ചിൽ സംഭവിക്കാനിടയുണ്ട് . വിശ്വസ്തരും എല്ലാം നല്ല രീതിയിൽ കാണാൻ ശ്രമിക്കുന്നവരുമായിരിക്കും.
