sections
MORE

1195 പുതുവർഷഫലം ഇടവംരാശിക്കാർക്ക് എങ്ങനെ?

HIGHLIGHTS
  • ചിങ്ങം ഒന്ന് മുതൽ ഒരു വർഷത്തേക്കുള്ള ഫലം
idavam-taurus-845
SHARE

(1949, 61, 73, 85, 97, 2009 എന്നീ വർഷത്തിൽ ജനിച്ചവർക്കും  ഇടവം രാശിയിലുള്ളവർക്കും ഇടവരാശി ലഗ്നമായവർക്കും ഇടവ മാസത്തിൽ ജനിച്ചവർക്കും ബാധകം. കഠിനാദ്ധ്വാനികളും, സത്യസന്ധരും, കായിക പ്രേമികളുമായവരാണ് ഇക്കൂട്ടർ)

1195  പുതുവർഷത്തിൽ  ഈ രാശിക്കാർക്ക് ഒരു പരിധിവരെ ദുരിത മോചനം പ്രതീക്ഷിക്കാം. ജീവിതത്തിൽ  തടസ്സങ്ങൾ  നേരിടുന്നവർക്ക്  ചെറിയ ആശ്വാസം പ്രതീക്ഷിക്കാം. 

ആരോഗ്യം, തൊഴിൽ 

ആരോഗ്യപരമായി ക്ലേശാനുഭവങ്ങൾ ഉണ്ടാവാം .ചെറിയ ആരോഗ്യപ്രശ്നങ്ങൾ വരുമ്പോൾ ചികിത്സ തേടണം . നട്ടെല്ല്, കിഡ്നി, കാലുകൾ, ഹൃദയം എന്നിവക്ക് അസുഖങ്ങൾ വരാം.  പിതാവിനാൽ   ക്ലേശാനുഭവങ്ങൾ അനുഭവിക്കേണ്ടി വരാം .കഴുത്തിനും തൊണ്ടയ്ക്കും പ്രശ്നങ്ങള്‍ ഉടലെടുക്കുന്നതാണ്.  തൊഴിലിലും ചെറിയ  പ്രശ്നങ്ങൾ ഉടലെടുക്കാൻ സാധ്യതയുണ്ട് . ഉയർച്ചകൾ മുഴുവൻ താഴ്ചകളാക്കുന്ന അവസ്ഥ കാണുന്നു. തൊഴിലിൽ  ധനപരമായുള്ള  നഷ്ടങ്ങൾ നേരിടാം.  ഉന്നത വിദ്യാഭ്യാസക്ലേശവും  സന്താനദുരിതവും പ്രതീക്ഷിക്കാം.

വീടും കുടുംബവും

യുവാക്കൾക്ക് (30 വയസ്സിനു താഴെ) കാലം അനുകൂലമായിരിക്കും. കാർത്തികയ്ക്ക് 50 ശതമാനവും, രോഹിണി, മകയിരത്തിന് 100 ശതമാനവും ഫലത്തിൽ വരാം  . തീർഥാടന യാത്രകളില്‍ ഉയർന്ന രീതിയിലെ സ്ഥാനമാനം പ്രതീക്ഷിക്കാം. പിതാവിനും ഇണയുടെ പിതാവിനും രോഗദുരിതങ്ങൾ ഉണ്ടാകുന്നതാണ്.

ധനവരവും തൊഴിലും

വളരെയധികം ക്ലേശാനുഭവമുള്ള കാലമാണ്. എങ്കിലും  പുതിയ വാഹനമോ ഗൃഹമോ ലഭിക്കാനുള്ള സാധ്യതയുണ്ട് . നിക്ഷേപങ്ങളില്‍ നിന്നും ആദായക്കുറവു പ്രതീക്ഷിക്കാം . പരസ്യങ്ങളുടെ വഞ്ചനയിലകപ്പെട്ട് ധനനഷ്ടം വരുത്തിവയ്ക്കരുത്. മറ്റുള്ളവരെ കണ്ടുപഠിക്കാതെ സ്വന്തമായി കാര്യങ്ങൾ നടപ്പിൽ വരുത്തുന്നതാണ് നല്ലത്. പുതിയ രീതിയിലുള്ള പ്രവൃത്തികൾ ലോകര്‍ക്ക് ഗുണകരമായിരിക്കും.

സ്നേഹം, സാമൂഹ്യജീവിതം, സ്വയംപര്യാപ്തത

വിദേശബന്ധം കൊണ്ട് ഗുണാനുഭവങ്ങൾ ഉണ്ടാകും. അനുസരണക്കേട് ഉപേക്ഷിക്കേണ്ടതാണ്. ഭാഗ്യഹീനനാണെന്ന്   എന്ന് ചിന്തിച്ച് സമയം കളയാതിരിക്കാൻ ശ്രദ്ധിക്കേണ്ടതാണ്. എല്ലാം മറക്കുകയും പൊറുക്കുകയും ചെയ്യുക. ഭക്ഷണക്രമം പാലിക്കുകയും ദൈവചിന്ത കൂട്ടുകയും ചെയ്യുക . രാഹു, കേതു, വ്യാഴം  എന്നീ ഗ്രഹങ്ങളെ  പ്രാർഥിക്കുക.   നാമജപവും  പായസവഴിപാടും നടത്തുന്നത് ഉത്തമം.

തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
MORE IN STAR PREDICTIONS
SHOW MORE
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
FROM ONMANORAMA