അടുത്തയാഴ്ച നിങ്ങൾക്കെങ്ങനെ? സമ്പൂർണ വാരഫലം
Mail This Article
അശ്വതി:
മംഗള കർമങ്ങളിൽ സംബന്ധിക്കും. ഗൃഹോപകരണങ്ങൾക്ക് കേടുപാടുകൾ തുടർന്നുള്ള ചെലവുകൾ. മേലധികാരികൾ, മുതിർന്ന സഹപ്രവർത്തകർ എന്നിവരിൽ നിന്നു സഹായം. ബന്ധുജനഗുണം വർധിക്കും. കാലാവസ്ഥാജന്യരോഗങ്ങൾ പിടിപെടാൻ സാധ്യതയുണ്ട്.
ഭരണി:
ധനപരമായ പുരോഗതി. ശിരോരോഗവിഷമതകൾ ഉണ്ടാകാം. വിദ്യാഭ്യാസപരമായ ഉന്നതവിജയം കൈവരിക്കും. ഇന്റർവ്യൂ, മത്സരപ്പരീക്ഷകൾ എന്നിവയിൽ വിജയം . വിദേശയാത്രയ്ക്കുള്ള ശ്രമത്തിൽ വിജയിക്കും. സന്താനഗുണമനുഭവിക്കും.
കാർത്തിക:
മാതാവിനോ മാതൃ ജനങ്ങൾക്കോ രോഗാരിഷ്ടത. ഉത്തരവാദിത്തങ്ങൾ വർധിക്കും. ഇഷ്ടപ്പെട്ട തൊഴിലുകളിൽ ഏർപ്പെടുവാൻ സാധിക്കും. ബിസിനസിൽ മികവു പുലർത്തും. ഔഷധങ്ങളിൽ നിന്ന് അലർജി പിടിപെടാൻ സാധ്യത.
രോഹിണി :
സന്താനങ്ങളില്ലാതെ വിഷമിക്കുന്നവർക്ക് ആശ്വാസം നല്കുന്ന സൂചനകളുണ്ടാകും. വിവാഹാലോചനകളിൽ ഉത്തമബന്ധം ലഭിക്കും. സാഹിത്യരംഗത്ത് ശോഭിക്കും. സാമ്പത്തിക മായി ചെറിയ വിഷമതകൾ നേരിടും.
മകയിരം :
സുഹൃദ് സഹായം ലഭിക്കും. ദമ്പതികൾ തമ്മിൽ നിലനിന്നിരുന്ന അകല്ച്ച കുറയും. മംഗളകർമങ്ങളിൽ സംബന്ധിക്കും.
തിരുവാതിര :
കാർഷികരംഗത്ത് പ്രവർത്തിക്കുന്നവർക്ക് നേട്ടം. വാക്കുതർക്കം, വ്യവഹാരം എന്നിവയിലേർപ്പെടാതിരിക്കുവാൻ ശ്രദ്ധിക്കുക. പുണ്യസ്ഥലങ്ങൾ സന്ദർശിക്കുവാൻ യോഗം. സഹോദരങ്ങൾക്ക് രോഗാരിഷ്ടതയ്ക്ക് സാധ്യത.
പുണർതം :
അവിചാരിത ധനലാഭം. ഭക്ഷണസുഖം ലഭിക്കും. ആരോഗ്യപരമായ വിഷമതകൾ ശമിക്കും. മനസിൽ നിലനിന്നിരുന്ന ആഗ്രഹങ്ങൾ ഒന്നൊന്നായി നടപ്പാകും. മാതാവിനോ മാതൃസഹോദരിക്കോ രോഗസാധ്യത.
പൂയം:
ദീർഘ ദൂര യാത്രകൾ വേണ്ടിവരും. അടുത്ത ബന്ധുക്കളിൽ നിന്നുള്ള സഹായം മനസന്തോഷം തരും. ദമ്പതികൾ തമ്മിൽ നിലനിന്നിരുന്ന അഭിപ്രായഭിന്നത മാറി ശാന്തതയുണ്ടാകും. സ്വന്തം ബിസിനസില്നിന്ന് മികച്ച നേട്ടം.
ആയില്യം :
ആയുധം, അഗ്നി ഇവയാൽ പരിക്ക് പറ്റുവാൻ സാദ്ധ്യത. ഉദരവിഷമതകൾ അനുഭവിക്കും. ആവശ്യത്തിന് പണം കണ്ടെത്താനാവാതെ വിഷമിക്കും. മുന്പ് പരിചയമില്ലാത്തവർക്ക് സഹായം ചെയ്യേണ്ടിവരും.
മകം:
പഠനത്തിൽ അലസത വർധിക്കുവാൻ ഇടയുണ്ട്. വിലപിടിപ്പുള്ള ഉപഹാരങ്ങൾ ലഭിക്കും. കർമരംഗം പുഷ്ടിപ്പെടും. വിദേശജോലിക്കുള്ള ശ്രമത്തിൽ വിജയിക്കും. ഗൃഹനിർമ്മാണത്തിലെ തടസ്സങ്ങൾ മാറും. ആരോഗ്യപ്രശ്നങ്ങൾ ശമിക്കും .
പൂരം :
ഭവനനിർമാണം, ഭവനം മോടിപിടിപ്പിക്കൽ എന്നിവ സാധിക്കും. മനസുഖം നല്കുന്ന വാർത്തകൾ ശ്രവിക്കും. ദാമ്പത്യപരമായി നിലനിന്നിരുന്ന പ്രശ്നങ്ങൾ ശമിക്കും. ധനപരമായ നേട്ടങ്ങൾ മനഃസുഖം നൽകും.
ഉത്രം :
കലാരംഗത്തു പ്രവർത്തിക്കുന്നവർക്ക് അംഗീകാരം. ദീർഘയാത്രകൾ വേണ്ടിവരും. മനസ്സിൽ നിലനിന്നിരുന്ന അനാവശ്യ വിഷമതകൾ ശമിക്കും. ആരോഗ്യപരമായ വിഷമതകൾ തരണം ചെയ്യും.
അത്തം :
പെട്ടെന്നുള്ള തീരുമാനങ്ങൾ എടുക്കരുത്. സ്വന്തം പ്രയത്നത്താൽ തടസങ്ങൾ തരണംചെയ്യും. സർക്കാരിൽ നിന്നോ മറ്റ് ഉന്നതസ്ഥാനങ്ങളിൽ നിന്നോ ആനുകൂല്യങ്ങൾ പ്രതീക്ഷിക്കാം. ഏറ്റെടുത്ത തൊഴിലുകൾ വിജയകരമായി പൂർത്തിയാക്കും.
ചിത്തിര:
സാമ്പത്തിക വിഷമതകൾ നേരിടും. ഭൂമി വിൽപ്പനയിൽ നിന്നുള്ള ധനലാഭം പ്രതീക്ഷിക്കാം. സന്താനങ്ങളുടെ ഉന്നത വിദ്യാഭ്യാസത്തിനായി തയാറെടുപ്പുകൾ നടത്തും. വിവാഹാലോചനകളിൽ തീരുമാനം. നേത്രരോഗത്തിന് ചികിത്സ തേടും.
ചോതി :
അനാവശ്യ യാത്രകൾ വേണ്ടിവരും. പ്രവർത്തനങ്ങളിൽ മന്ദത നേരിടും. പൈതൃകസ്വത്ത് ലഭിക്കുവാൻ യോഗം. ഭൂമി വാങ്ങൽ, ഗൃഹനിർമാണം എന്നിവയും സാധിതമാകും. സർക്കാർ ഉദ്യോഗസ്ഥർക്ക് ദിനം പ്രതികൂലം.
വിശാഖം :
ജീവിത പങ്കാളിക്ക് ഉയർച്ച, പലതരത്തിൽ നിലനിന്നിരുന്ന സാമ്പത്തിക വിഷമതകൾക്ക് ശമനം. പുതിയ വസ്ത്രലാഭമുണ്ടാകും. ബിസിനസിൽ നേട്ടം. പ്രവർത്തനങ്ങളിൽ വിജയം. ഭക്ഷണസുഖം വർധിക്കും.
അനിഴം :
സാമ്പത്തിക വിഷമതകൾ മറികടക്കും. വിവാഹമോചനക്കേസുകൾ നടത്തുന്നവർക്ക് ഒത്തുതീർപ്പിനുള്ള അവസരം. സ്വപ്രയത്നത്താൽ തടസങ്ങൾ തരണം ചെയ്യും. ഉന്നതവിദ്യാഭ്യാസത്തിനുള്ള പ്രവേശനം ലഭിക്കും.
തൃക്കേട്ട :
തൊഴിലന്വേഷണങ്ങളിൽ വിജയം. താല്ക്കാലിക ജോലികൾ സ്ഥിരപ്പെടാൻ സാധ്യത. രോഗാവസ്ഥയിൽ കഴിയുന്നവർക്ക് ആശ്വാസം. ഭക്ഷണസുഖം ലഭിക്കുന്ന സന്ദർഭങ്ങൾ ഉണ്ടാവും. പൊതു പ്രവർത്തന രംഗത്ത് നേട്ടങ്ങൾ.
മൂലം :
ബന്ധുജനങ്ങളിൽ നിന്ന് അകന്നു കഴിയേണ്ടിവരും. മംഗളകർമങ്ങളിൽ സംബന്ധിക്കും. വാതജന്യരോഗത്താൽ വിഷമിച്ചിരുന്നവർക്ക് ആശ്വാസം. വിവാഹാലോചനകളിൽ പുരോഗതി.
പൂരാടം :
കുടുംബത്തിൽ നിലനിന്നിരുന്ന പ്രശ്നങ്ങളിൽ ആശ്വാസം. മുതിർന്ന കുടുംബാംഗങ്ങൾക്ക് രോഗദുരിതസാധ്യത. കലാരംഗത്ത് പ്രവർത്തിക്കുന്നവർക്ക് നേട്ടം. ഔഷധ സേവ വേണ്ടിവരും .
ഉത്രാടം :
സ്വഭാവത്തിൽ സ്വാർഥത വർധിക്കും. തന്മൂലം മറ്റുള്ളവരുമായി അകല്ച്ചയോ പരിഭവമോ ഉണ്ടാകുവാൻ സാധ്യത. രോഗാവസ്ഥയിൽ കഴിഞ്ഞിരുന്നവർക്ക് ആശ്വാസം. ഔഷധസേവ അവസാനിപ്പിക്കുവാൻ സാധിക്കും.
തിരുവോണം :
ജലജന്യ രോഗ സാദ്ധ്യത . പ്രണയബന്ധിതർക്ക് അനുകൂലമായ ബന്ധുജനസഹായം. ബിസിനസിൽ പണം മുടക്കി വിജയം നേടുവാൻ സാധിക്കും, പഠനരംഗത്ത് മികവ് പുലർത്തും.
അവിട്ടം :
ബന്ധുഗുണം അനുഭവിക്കും . ഗൃഹനിർമാണത്തിൽ പുരോഗതി. സ്വഗൃഹത്തിൽ നിന്നു വിട്ടുനില്ക്കേണ്ടിവരും. ആഘോഷ ചടങ്ങുകളിൽ സംബന്ധിക്കും.
ചതയം :
ഗൃഹനിർമാണം, വാഹനം വാങ്ങൽ എന്നിവയെലേർപ്പെടും. കാർഷികമേഖലയിൽ നിന്നുള്ള ലാഭം പ്രതീക്ഷിക്കാം. ഏജന്സി, ബ്രോക്കർ തൊഴിലിൽ നിന്ന് ധനനേട്ടം കൈവരിക്കും. വൈവാഹിക ജീവിതത്തിൽ നിലനിന്നിരുന്ന പ്രശ്നങ്ങൾ ശമിക്കും.
പൂരുരുട്ടാതി :
സന്താനങ്ങളെക്കൊണ്ട് മനോവിഷമം. വ്യവഹാരം നടത്തുന്നവർക്ക് വിജയം. അനിയന്ത്രിതകോപം പലപ്പോഴും മാനസികനിലയിൽ പ്രതിഫലിക്കും. അനാവശ്യ വിവാദങ്ങളിൽ ഏർപ്പെടും .
ഉത്തൃട്ടാതി :
സാമ്പത്തിക വിഷമതകളിൽ നിന്ന് മോചനം. തൊഴില്സ്ഥലത്ത് അംഗീകാരം. വിവാഹാലോചനകൾ പുരോഗമിക്കും. വിദേശയാത്രയ്ക്കുള്ള ശ്രമം വിജയിക്കും.
രേവതി :
കുടുംബത്തിൽ സുഖക്കുറവുണ്ടാകും. ദാമ്പത്യപരമായഅസ്വസ്ഥത ഉടലെടുക്കും. ഉദ്യോഗസ്ഥർക്ക് ഇഷ്ടമില്ലാത്ത സ്ഥലത്തേക്ക് മാറ്റം ഉണ്ടാകും, വ്യവഹാരങ്ങളിൽ തിരിച്ചടികൾ.
English Summary : Weekly Star Prediction by Sajeev Shastharam / 2021 October 10 to 16