ഫെബ്രുവരിയിലെ സമ്പൂർണ നക്ഷത്രഫലം ; അശ്വതി, ഭരണി ,കാർത്തിക,രോഹിണി

അശ്വതി: നിലവിലുള്ള ജോലിയിൽ തന്നെ തുടരുവാനുള്ള തീരുമാനം ഭാവിയിൽ ഗുണം ചെയ്യും. വിദ്യാർഥികൾക്ക് സമയം അനുകൂലം. ഭക്ഷ്യവിഷബാധ ഏൽക്കാതെ സൂക്ഷിക്കണം. ജന്മനാട്ടിലെ ഉത്സവാഘോഷങ്ങളിൽ പങ്കെടുക്കുവാനും അശ്വതി നക്ഷത്രക്കാർക്ക് ഈ ഫെബ്രുവരി മാസത്തിൽ യോഗം കാണുന്നു. 

ഭരണി: നടപടിക്രമങ്ങളിൽ കൃത്യതയോടെ പ്രവർത്തിക്കും. മക്കൾക്ക് ഉയര്‍ന്നപദവിയോടുകൂടിയ സ്ഥാനക്കയറ്റം ലഭിക്കും. ഏറ്റെടുത്ത പ്രവൃത്തികൾ സമയബന്ധിതമായി ചെയ്തു തീർക്കും. കുടുംബത്തിൽ സമാധാന അന്തരീക്ഷം സംജാതമാകുവാനും ഭരണി നക്ഷത്രക്കാർക്ക് ഈ ഫെബ്രുവരി മാസത്തിൽ യോഗം കാണുന്നു. 

കാർത്തിക: പുതിയ കർമമണ്ഡലങ്ങള്‍ ഏറ്റെടുക്കും. ചികിത്സകൾ ഫലിക്കും. ജീവിതനിലവാരം വർധിക്കും. വിശേഷപ്പെട്ട ദേവാലയദർശനം നടത്തുവാൻ യോഗം കാണുന്നു. നിരവധി കാര്യങ്ങൾ നിശ്ചിത പരിധിക്കുള്ളിൽ ചെയ്തു തീർക്കുവാനും കാർത്തിക നക്ഷത്രക്കാർക്ക് ഈ ഫെബ്രുവരി മാസത്തിൽ യോഗം കാണുന്നു. 

രോഹിണി: വിവിധങ്ങളും വ്യത്യസ്തങ്ങളുമായ തൊഴിൽ മേഖലകളിൽ പ്രവർത്തിക്കുവാനുള്ള അവസരം വന്നു ചേരും. ഏറ്റെടുക്കുന്ന കാര്യങ്ങളിൽ വിജയം കൈവരിക്കും. സങ്കീർണമായ വിഷയങ്ങളെ അതിജീവിക്കുവാനും രോഹിണി നക്ഷത്രക്കാർക്ക് ഈ ഫെബ്രുവരി മാസത്തിൽ യോഗം കാണുന്നു.

Content Summary: Monthly Prediction by Kanippayyur February 2023 / Ashwathy, Bharani , Karthika , Rohini