ഈ ആഴ്ച ഓരോ നക്ഷത്രക്കാർക്കും എങ്ങനെ? കാണിപ്പയ്യൂർ

അശ്വതി - സാമ്പത്തിക പ്രതിസന്ധി തരണംചെയ്യും. അകാരണമായ ആധിയെ അതിജീവിക്കുവാനുള്ള ആത്മവിശ്വാസമുണ്ടാകും. വ്യവസായം നവീകരിക്കുവാൻ നിർദേശം തേടും. ആവശ്യമുള്ള കാര്യങ്ങൾക്കു ബന്ധുസഹായം തേടും. 

ഭരണി - ആരോഗ്യം തൃപ്തികരമായിരിക്കും. ചികിത്സ ഫലിക്കും. സഹപ്രവർത്തകരുടെ സഹകരണമുണ്ടാകും. സന്ധിസംഭാഷണം വിജയിക്കും. ഉന്നതരുടെ ആശയങ്ങൾ ജീവിതത്തിൽ പകർത്തുവാൻ തയാറാകും. 

കാർത്തിക - കുടുംബസംരക്ഷണ ചുമതല ഏറ്റെടുക്കും. പണിചെയ്തുവരുന്ന ഗൃഹം വാങ്ങുവാൻ തീരുമാനിക്കും. മാതാപിതാക്കളെ അനുസരിക്കുന്നതിൽ ആത്മസംതൃപ്തിയുണ്ടാകും. സഹോദര സുഹൃത്‍സഹായമുണ്ടാകും. ആരാധനാലയ ദർശനത്താൽ മനസ്സമാധാനമുണ്ടാകും. 

രോഹിണി - ക്രയവിക്രയങ്ങളിൽ പ്രതീക്ഷിച്ചതിലുപരി സാമ്പത്തികനേട്ടമുണ്ടാകും. അവസരങ്ങൾ പരമാവധി പ്രയോജനപ്പെടുത്തും. പരിശ്രമങ്ങൾക്ക് ഫലമുണ്ടാകും. 

മകയിരം - ആശയങ്ങൾ അനുകൂലമായ വിധത്തിൽ അവതരിപ്പിക്കുവാൻ സാധിക്കും. ഉദ്യോഗത്തിൽ സ്ഥാനകയറ്റമുണ്ടാകും. ആത്മവിശ്വാസത്തോടുകൂടി പുതിയ ചുമതലകൾ ഏറ്റെടുക്കും. മാതാപിതാക്കളുടെ ആഗ്രഹങ്ങൾ സഫലമാക്കും. 

തിരുവാതിര - അഭിലാഷങ്ങൾ സഫലമാകും. ബന്ധുക്കൾ വിരുന്നുവരും. ഉദ്യോഗത്തിൽ സ്ഥാനക്കയറ്റമുണ്ടാകും. 

പുണർതം - വിജ്ഞാനം ആർജിക്കുവാൻ അവസരമുണ്ടാകും. സത്യാവസ്ഥ അറിയാതെ പ്രതികരിച്ചാൽ അബദ്ധമാകും. ദമ്പതികൾക്ക് ഒരുമിച്ച് താമസിക്കുവാൻ തക്കവണ്ണം ഉദ്യോഗമാറ്റമുണ്ടാകും. 

പൂയം - ക്ഷമിക്കുവാനും സഹിക്കുവാനുമുള്ള കഴിവിന് ആദരങ്ങൾ വന്നുചേരും. ഭയഭക്തി ബഹുമാനത്തോടുകൂടി ചെയ്യുന്നതെല്ലാം ലക്ഷ്യപ്രാപ്തി കൈവരിക്കും. 

ആയില്യം - പരാമർശങ്ങളെ അതിജീവിക്കും. വിദേശയാത്ര സഫലമാകും. ചിന്തകൾക്കതീതമായി പ്രവർത്തിക്കുവാൻ സാധിക്കും. കുടുംബാംഗങ്ങളുടെ ആവശ്യങ്ങൾ പരിഗണിക്കും. 

മകം - പ്രവർത്തന മണ്ഡലങ്ങളിൽ പുരോഗതിയുണ്ടാകും. പരീക്ഷണ നിരീക്ഷണങ്ങളിൽ വിജയിക്കും. വാക്കും പ്രവൃത്തിയും ഫലപ്രദമാകും. ഇടപെടുന്ന കാര്യങ്ങളിൽ പൂർണതയുണ്ടാകും. 

പൂരം - സഹജമായ കഴിവുകൾ പ്രകടിപ്പിക്കുവാൻ അവസരമുണ്ടാകും. സഹപ്രവർത്തകരോടൊപ്പം ഉല്ലാസ വിനോദയാത്ര പുറപ്പെടും. സാമ്പത്തിക ക്രയവിക്രയങ്ങളിൽ വളരെ സൂക്ഷിക്കണം.

ഉത്രം – വ്യത്യസ്തമായ പ്രവർത്തനങ്ങൾ നിഷ്കർഷയോടുകൂടി ചെയ്തുതീർക്കുവാൻ സാധിക്കും. അഭിപ്രായസമന്വയ ചർച്ചകളിൽ വിജയിക്കും. ഈശ്വരാരാധനകളാൽ മനസ്സമാധാനമുണ്ടാകും. 

അത്തം - ഉദ്യോഗത്തിൽ സ്ഥാനകയറ്റമുണ്ടാകും. ആഗ്രഹങ്ങളും ആശയങ്ങളും സഫലമാകും. കുടുംബത്തിൽ സമാധാന അന്തരീക്ഷം സംജാതമാകും. നിരവധികാര്യങ്ങൾ നിഷ്കർഷയോടുകൂടി ചെയ്തുതീർക്കും. 

ചിത്തിര - അഭിപ്രായ സ്വാതന്ത്ര്യത്താൽ ആത്മാർത്ഥമായി പ്രവർത്തിക്കുവാൻ തയാറാകും. 

ചോതി - ദമ്പതികൾക്ക് ഒരുമിച്ച് താമസിക്കുവാൻ തക്കവണ്ണം ഉദ്യോഗമാറ്റമുണ്ടാകും. അന്യരുടെ കാര്യങ്ങളിൽ അനാവശ്യമായി ഇടപെടരുത്. കലാ–കായിക മത്സരങ്ങളിൽ വിജയിക്കും. 

വിശാഖം - സമീപനത്തിൽ ഔചിത്യം പാലിക്കും. നിരവധി കാര്യങ്ങൾ ഏറ്റെടുക്കുന്നതിനാൽ ചിലതു വിട്ടുപോകും. വിദേശയാത്രയ്ക്ക് അനുമതി ലഭിക്കും. ആഗ്രഹസാഫല്യത്താൽ ആത്മനിർവൃതിയുണ്ടാകും. 

അനിഴം - പ്രതിസന്ധികളിൽ തളരാതെ പ്രവർത്തിക്കുവാനുള്ള യുക്തിയും സാഹചര്യവും വന്നുചേരും. വ്യാപാര വിപണന മേഖലകളിൽ പുരോഗതിയുണ്ടാകും. 

തൃക്കേട്ട - അഭിമാനാർഹമായ പ്രവർത്തനം കാഴ്ചവയ്ക്കുവാൻ സാധിക്കും. ബന്ധുവിനെപ്പറ്റിയുള്ള തെറ്റിദ്ധാരണ ഉപേക്ഷിക്കും. 

മൂലം - ആസൂത്രിത പദ്ധതികൾക്ക് അനുകൂല സാഹചര്യം വന്നുചേരും. പഠിച്ച വിഷയത്തോടനുബന്ധമായ ഉദ്യോഗത്തിന് നിയമനാനുമതി ലഭിക്കും. പ്രലോഭനങ്ങളിൽ അകപ്പെടരുത്. പരീക്ഷ, ഇന്റർവ്യൂ, സന്ധിസംഭാഷണം തുടങ്ങിയവയിൽ വിജയിക്കും.

പൂരാടം - വ്യാപാര വിപണന മേഖലകളിൽ പുതിയ ആശയമുദിക്കും. ജീവിതപങ്കാളിയുടെ ആശയങ്ങൾ ദീർഘകാല സുരക്ഷയ്ക്ക് അനുയോജ്യമായതിനാൽ സ്വീകരിക്കും. ജാമ്യം നിൽക്കുന്നത് അബദ്ധമാകും. അനാവശ്യ ചിന്തകൾ ഒഴിവാക്കണം. 

ഉത്രാടം - ആത്മവിശ്വാസത്തോടുകൂടി പുതിയ ഭരണസംവിധാനം അവലംബിക്കും. ചിന്തിച്ചു പ്രവർത്തിക്കുവാനുള്ള സാവകാശം ലഭിക്കും. നിർബന്ധ നിയന്ത്രണത്താൽ സാമ്പത്തിക നീക്കിയിരിപ്പ് ഉണ്ടാകും. 

തിരുവോണം - വിദഗ്ദ്ധ ചികിത്സകളാൽ ആരോഗ്യം വീണ്ടെടുക്കും. പുതിയ ഉദ്യോഗത്തിന് അവസരം വന്നുചേരും. സുവ്യക്തമായ നിലപാട് സർവാദരങ്ങൾക്കും വഴിയൊരുക്കും. ദീർഘകാല സുരക്ഷയ്ക്ക് അനുയോജ്യമായ നിർദേശങ്ങൾ സ്വീകരിക്കും. 

അവിട്ടം - പൂർവികസ്വത്തിൽ ഗൃഹനിർമാണം ആരംഭിക്കും. ആരാധനാലയത്തിലെ ഉത്സവാഘോഷങ്ങളിൽ പങ്കെടുക്കും. പരീക്ഷ, ഇന്റർവ്യൂ, സന്ധിസംഭാഷണം എന്നിവയിൽ വിജയിക്കും. 

ചതയം - കലാ–കായിക മത്സരങ്ങളിൽ വിജയവും സമ്മാനവും ലഭിക്കും. ആരാധനാലയങ്ങൾക്ക് സാമ്പത്തിക സഹായം നൽകുവാനിടവരും. ബന്ധുസഹായത്താൽ വിവാഹത്തിന് തീരുമാനമാകും.

പൂരുരുട്ടാതി - പുതിയ ഉദ്യോഗത്തിൽ പ്രവേശിക്കുന്നതിന് രേഖകൾ ലഭിക്കും. ഉപരിപഠനത്തിന് വിദേശയാത്ര പുറപ്പെടും. പരിസരബോധമില്ലാതെ സംസാരിച്ചാൽ ജനദ്വേഷം വർധിക്കുവാനിടയുണ്ട്. 

ഉത്തൃട്ടാതി - സാമ്പത്തിക ബാധ്യതകൾ തീർക്കുവാൻ വ്യാപാരസ്ഥാപനം വിൽക്കുവാൻ തീരുമാനിക്കും. സുഹൃത്തിന്റെ മകളുടെ വിവാഹത്തിന് ദൂരയാത്ര വേണ്ടിവരും. 

രേവതി - വിദഗ്ധ ചികിത്സകളാൽ ആരോഗ്യം തൃപ്തികരമായിരിക്കും.  ദേവാലയദർശനം നടത്തുവാനിടവരും. വർഷങ്ങൾക്കുശേഷം സഹപാഠികളെയും ഗുരുനാഥനെയും കാണുവാനിടവരും. 

Content Summary : Weekly Prediction by Kanippayyur / 2023 March 26 to April 01