ഈ ആഴ്ച ഓരോ നക്ഷത്രക്കാർക്കും എങ്ങനെ? സമ്പൂർണ നക്ഷത്രഫലം– കാണിപ്പയ്യൂർ

അശ്വതി: ഏറെക്കുറെ പൂർത്തിയായ ഗൃഹം താരതമ്യേന കുറഞ്ഞ വിലയ്ക്ക് വാങ്ങുവാൻ തയാറാകും. ബന്ധുവിന്റെ സംരക്ഷണം ഏറ്റെടുക്കുവാൻ നിർബന്ധിതനാകും. 

ഭരണി: സമയബന്ധിതമായ പ്രവർത്തനങ്ങൾ തൃപ്തിയാകും വിധത്തിൽ പൂർത്തീകരിക്കുവാൻ സാധിക്കും. പദ്ധതി ആസൂത്രണങ്ങളിൽ ലക്ഷ്യപ്രാപ്തി നേടും. 

കാർത്തിക: മേലധികാരി ഏൽപിച്ച കാര്യങ്ങൾ കൃത്യതയോടുകൂടി ചെയ്തു തീർക്കുവാൻ സാധിക്കും. വിഭാവനം ചെയ്ത പദ്ധതികൾ പ്രാവർത്തികമാക്കുവാൻ വിദഗ്ധോപദേശം തേടും. 

രോഹിണി: മേലധികാരിയുടെ പിൻബലത്താൽ സഹജമായ കഴിവുകൾ പ്രാവർത്തികമാക്കുവാൻ സാധിക്കും. അസാധാരണ വ്യക്തിത്വമുള്ളവരെ പരിചയപ്പെടുവാൻ അവസരമുണ്ടാകും. 

മകയിരം: പാർശ്വഫലങ്ങളുള്ള ഔഷധങ്ങൾ ഉപേക്ഷിച്ച് പ്രകൃതിദത്തമായ ചികിത്സാരീതി അവലംബിക്കും. സഹപാഠിയെ കാണുവാനും ഗതകാലസ്മരണകൾ പങ്കുവയ്ക്കുവാനും സാധിക്കും. 

തിരുവാതിര: മേലധികാരിയുടെ സ്വകാര്യാവശ്യങ്ങൾക്കായി ദൂരയാത്ര വേണ്ടിവരും. ഗൃഹോപകരണങ്ങൾ മാറ്റിവാങ്ങുവാൻ നിർബന്ധിതനാകും. 

പുണർതം: പുത്രന്റെ നിർബന്ധത്താൽ പൂർവിക സ്വത്ത് ഭാഗം വയ്ക്കുവാൻ തീരുമാനിക്കും.  അവസരോചിതമായി പ്രവർത്തിക്കുന്നതിനാൽ പല അനിഷ്ടങ്ങളും ഒഴിവാകും. 

പൂയം: ആഗ്രഹ നിവൃത്തിക്ക് അശ്രാന്ത പരിശ്രമം വേണ്ടിവരും. പ്രവൃത്തി മണ്ഡലങ്ങളിൽ നിന്നും സാമ്പത്തിക നേട്ടമുണ്ടാകും. 

ആയില്യം: അധികച്ചെലവ് നിയന്ത്രിക്കുവാൻ നിർബന്ധിതനാകും. വർഷങ്ങൾക്ക് മുൻപു വാങ്ങിയ ഭൂമിയിൽ ഗൃഹനിർമാണ പ്രവർത്തനങ്ങൾ തുടങ്ങും. 

മകം: സ്ഥാനമാനങ്ങളും ആനുകൂല്യങ്ങളും വർധിക്കുന്ന ഉദ്യോഗത്തിന് നിയമനാനുമതി ലഭിക്കും. സമ്മാനപദ്ധതികളിലും നറുക്കെടുപ്പിലും വിജയം കൈവരിക്കും. 

പൂരം: വിദഗ്ധോപദേശം തേടാതെ ഒരു പ്രവൃത്തിയിലും പണം മുടക്കരുത്. അധികാര ദുർവിനിയോഗം ചെയ്യുന്ന ഉദ്യോഗസ്ഥരെ പിരിച്ചുവിടും. 

ഉത്രം: വ്യാപാര സമുച്ചയം പണിയുവാൻ ഭൂമി വാങ്ങുവാനിടവരും. വിശ്വസ്ത സേവനത്തിന് പ്രശസ്തിപത്രം ലഭിക്കും. 

അത്തം: വസ്തുനിഷ്ഠമായ അന്വേഷണം വ്യക്തമായ തീരുമാനങ്ങൾ സ്വീകരിക്കുവാൻ ഉപകരിക്കും. തൊഴിൽ മേഖലകളോടു ബന്ധപ്പെട്ട് ദൂരയാത്രകൾ വേണ്ടിവരും. 

ചിത്തിര: പ്രതിസന്ധികളിൽ തളരാതെ പ്രവർത്തിക്കുവാൻ ഗുരുതുല്യരായവരുടെ വാക്കുകൾ ഉപകരിക്കും. പദ്ധതി സമർപ്പണത്തിന് അന്തിമ രൂപം തയാറാകും. 

ചോതി: ഏറ്റെടുത്ത ജോലികൾ ചെയ്തു തീർക്കുവാൻ അഹോരാത്രം പ്രയത്നം വേണ്ടിവരും. ഉദ്യോഗം ഉപേക്ഷിച്ച് ഉപരിപഠനത്തിന് ചേരുവാനിടവരും. 

വിശാഖം: പങ്കാളിയുടെ ആശയങ്ങൾ ഉൾക്കൊള്ളുവാൻ സാധിക്കാത്തതിനാൽ സംയുക്ത സംരംഭത്തിൽ നിന്നു പിന്മാറും. പൊതുപ്രവർത്തനങ്ങളിൽ സജീവ സാന്നിധ്യം ആവശ്യമായി വരും. 

അനിഴം: നയതന്ത്രങ്ങൾ ആവിഷ്കരിക്കുന്നതിലുള്ള യുക്തിയും നിഷ്കർഷയും പുതിയ തലങ്ങൾ കരസ്ഥമാക്കുന്നതിനുള്ള അവസരമൊരുക്കും. 

തൃക്കേട്ട: മനസ്സിലുദ്ദേശിക്കുന്ന കാര്യങ്ങൾ നിഷ്പ്രയാസം സാധിക്കും. പുണ്യതീർഥ ഉല്ലാസയാത്രയ്ക്ക് അവസരമുണ്ടാകും. ആരോഗ്യം തൃപ്തികരമായിരിക്കും. 

മൂലം: ഉപരിപഠനത്തിനനുസൃതമായ ഉദ്യോഗത്തിനു നിയമനാനുമതി ലഭിക്കും. പുത്രപൗത്രാദികൾ ദിവസങ്ങളോളം താമസിക്കുവാൻ വന്നുചേരും. 

പൂരാടം: പ്രവർത്തനമേഖലകൾ വിപുലീകരിക്കുവാനുള്ള അനുമതി തേടും. ഉത്സവാഘോഷങ്ങളിൽ സജീവമായി പങ്കെടുക്കും. 

ഉത്രാടം: മനസ്സിലുദ്ദേശിക്കുന്ന കാര്യങ്ങൾ നിഷ്പ്രയാസം സാധ്യമാകും. വാക്‌വാദങ്ങളിൽ നിന്നു യുക്തിപൂർവം പിന്മാറും. 

തിരുവോണം: വ്യാപാര വ്യവസായ സമുച്ചയം പണിയുവാനുള്ള ഭൂമി വാങ്ങുവാനിടവരും. പ്രവർത്തന മേഖലകളിൽ അഭൂതപൂർവമായ വളർച്ച അനുഭവപ്പെടും. 

അവിട്ടം: ബന്ധുവിന്റെ പിറന്നാളാഘോഷത്തിൽ പങ്കെടുക്കുവാനിടവരും. ഔദ്യോഗികമായി യാത്രകളും ചർച്ചകളും വേണ്ടിവരും. 

ചതയം: ആഗ്രഹ നിവൃത്തിക്ക് അശ്രാന്ത പരിശ്രമം വേണ്ടിവരും. അപവാദാരോപണങ്ങളിൽ നിന്നും കുറ്റവിമുക്തനായതിൽ ആശ്വാസമാകും. 

പൂരുരുട്ടാതി: ലാഭാനുഭവങ്ങൾ കുറവുള്ളതിനാൽ കരാർ ജോലിയിൽ നിന്നു വിട്ടു നിൽക്കുവാൻ തീരുമാനിക്കും. അർഹമായ സ്ഥാനക്കയറ്റം ലഭിക്കുവാൻ നിയമസഹായം തേടും. 

ഉത്തൃട്ടാതി:  ഗുരുപദേശത്താൽ ഉദ്യോഗമുപേക്ഷിച്ച് ഉപരിപഠനത്തിനു ചേരും. ജന്മനാട്ടിലുള്ള ഭൂമി വിൽപന ചെയ്തു പട്ടണത്തിൽ പണി ചെയ്തുവരുന്ന ഗൃഹം വാങ്ങുവാൻ പ്രാഥമിക സംഖ്യ കൊടുത്തു കരാറെഴുതും. 

രേവതി: അനുവദിച്ച സംഖ്യ ലഭിക്കുവാൻ ഉന്നതരുടെ സഹായം തേടും. ആധ്യാത്മികാത്മീയ പ്രഭാഷണങ്ങൾ കേൾക്കുവാനിട വരും.