ഈ ആഴ്ച ഓരോ നക്ഷത്രക്കാർക്കും എങ്ങനെ? സമ്പൂർണ നക്ഷത്രഫലം– കാണിപ്പയ്യൂർ

അശ്വതി: ഉദ്യോഗത്തിൽ സ്ഥാനക്കയറ്റമുണ്ടാകും. സന്താനങ്ങളുടെ പ്രവൃത്തി ഗുണത്താൽ സന്തോഷമുണ്ടാകും.
ഭരണി: . ചിരകാലാഭിലാഷ പ്രാപ്തിയായ വിദേശയാത്ര സഫലമാകും. നറുക്കെടുപ്പിൽ വിജയിക്കും.
കാർത്തിക: സത്യാവസ്ഥ മനസ്സിലാക്കി പ്രവർത്തിക്കുന്നതിനാൽ മിഥ്യാധാരണകൾ ഒഴിവാകും. ഭാര്യാഭർത്തൃ ഐക്യവും കുടുംബത്തിൽ സമാധാനവും ഉണ്ടാകും.
രോഹിണി: അപേക്ഷിച്ച പദ്ധതികൾക്ക് അംഗീകാരം ലഭിക്കും. പ്രതിസന്ധികളിൽ തളരാതെ പ്രവർത്തിക്കുവാൻ ആത്മപ്രചോദനമുണ്ടാകും.
മകയിരം: ഉദ്യോഗത്തിൽ ചുമതലകൾ വർധിക്കും. വ്യാകുലചിന്തകൾ ഒഴിവാക്കണം.
തിരുവാതിര: ആരോപണങ്ങളെ അതിജീവിക്കുവാൻ സാധിക്കും. മുൻകോപം നിയന്ത്രിക്കണം.
പുണർതം: അഭിപ്രായ സമന്വയത്തിന് അശ്രാന്തപരിശ്രമം വേണ്ടിവരും. സ്ഥാനമാനങ്ങളും ആനുകൂല്യങ്ങളും വർധിക്കുന്ന വിഭാഗത്തിലേക്ക് ഉദ്യോഗമാറ്റമുണ്ടാകും.
പൂയം: സന്താനസൗഖ്യമുണ്ടാകും. ദമ്പതികൾക്ക് ഒരുമിച്ച് താമസിക്കുവാൻ തക്കവണ്ണം ഉദ്യോഗമാറ്റമുണ്ടാകും.
ആയില്യം: കലാകായിക മത്സരങ്ങളിൽ വിജയിക്കും. തീരുമാനങ്ങളിൽ ഔചിത്യമുണ്ടാകും.
മകം: സ്വപ്നസാക്ഷാത്കാരത്താൽ ആത്മനിർവൃതിയുണ്ടാകും. പുതിയ ഭരണസംവിധാനം ഏറ്റെടുക്കും.
പൂരം: വ്യവസ്ഥകൾ പാലിക്കും. സങ്കീർണമായ പ്രശ്നങ്ങൾക്കു ശാശ്വത പരിഹാരം കണ്ടെത്തും.
ഉത്രം: ഉപരിപഠനത്തിനനുസൃതമായ ഉദ്യോഗത്തിനു നിയമനാനുമതി ലഭിക്കും. മുൻകോപം നിയന്ത്രിക്കണം.
അത്തം:പ്രവൃത്തികൾ മറ്റുള്ളവർക്കും ഉപകാരപ്രദമാകും. അപേക്ഷിച്ച പദ്ധതികൾക്ക് അംഗീകാരം ലഭിക്കും.
ചിത്തിര: യാഥാർഥ്യത്തെ അനുസരിക്കുവാൻ തയാറാകും. പുതിയ ഭരണ സംവിധാനം അവലംബിക്കും.
ചോതി: ശാസ്ത്ര പരീക്ഷണ നിരീക്ഷണങ്ങളിൽ വിജയിക്കും. കുടുംബത്തിൽ ആഹ്ലാദാന്തരീക്ഷം സംജാതമാകും.
വിശാഖം: കൃത്യനിർവഹണത്തിൽ ലക്ഷ്യപ്രാപ്തി നേടും. വ്രതാനുഷ്ഠാനങ്ങൾ അനുവർത്തിക്കും.
അനിഴം: പ്രവർത്തനരംഗം മെച്ചപ്പെടും. ചികിത്സ ഫലിച്ചു തുടങ്ങും.
തൃക്കേട്ട: ആത്മവിശ്വാസവും ഉത്സാഹവും ഉന്മേഷവും വർധിക്കും. ഗൃഹം വാങ്ങുവാൻ തീരുമാനിക്കും.
മൂലം: സമത്വഭാവന സർവാദരങ്ങൾക്കും വഴിയൊരുക്കും. ആരാധനാലയ ദർശനത്താൽ ആശ്വാസമാകും.
പൂരാടം: ഉപരിപഠനത്തിന് ഉദ്ദേശിച്ച വിഷയത്തിൽ പ്രവേശനം ലഭിക്കും. മറ്റുള്ളവരുടെ ഉയർച്ചയിൽ ആത്മാർഥമായി അഭിനന്ദിക്കും.
ഉത്രാടം: പക്വതയോടു കൂടിയുള്ള സമീപനം പ്രതികൂല സാഹചര്യങ്ങളെ അതിജീവിക്കും. അഭിപ്രായവ്യത്യാസം പരിഹരിക്കും.
തിരുവോണം: അവസരങ്ങൾ പരമാവധി പ്രയോജനപ്പെടുത്തും. കലാകായിക മത്സരങ്ങളിൽ വിജയിക്കും.
അവിട്ടം: ഗഹനമായ വിഷയങ്ങൾ ലളിതമായി അവതരിപ്പിക്കുവാൻ സാധിക്കും. സാമ്പത്തികലാഭം വർധിക്കും.
ചതയം: പ്രലോഭനങ്ങളിൽ അകപ്പെടരുത്. സംതൃപ്തിയുള്ള ഗൃഹം വാങ്ങി താമസിച്ചുതുടങ്ങും.
പൂരുരുട്ടാതി: സഹപ്രവർത്തകരെ സഹായിക്കുവാൻ സന്നദ്ധനാകും. പ്രത്യുപകാരം ചെയ്യുവാൻ സാധിച്ചതിൽ കൃതാർഥരാകും.
ഉത്തൃട്ടാതി: മത്സരങ്ങളിൽ വിജയിക്കും. പുണ്യകർമങ്ങളിൽ പങ്കെടുക്കും.
രേവതി: പദ്ധതി സമർപ്പണത്തിൽ ലക്ഷ്യപ്രാപ്തി നേടും. പരിശ്രമങ്ങൾക്കു ഫലമുണ്ടാകും.