ഈ ആഴ്ച ഓരോ നക്ഷത്രക്കാർക്കും എങ്ങനെ? സമ്പൂർണ നക്ഷത്രഫലം– കാണിപ്പയ്യൂർ

അശ്വതി: ഔദ്യോഗിക ചുമതലകളും യാത്രാക്ലേശവും അധികാര പരിധിയും വർധിക്കും. സൗഹൃദ സംഭാഷണത്തിൽ സ്വീകരിക്കുന്ന നിർദേശങ്ങളും ഉപദേശങ്ങളും അന്യർക്ക് ഉപകാരപ്രദമാകും.

ഭരണി: കുടുംബസംരക്ഷണ ചുമതലയിൽ നിന്ന് ഒഴിഞ്ഞുമാറുവാൻ സാധിക്കുകയില്ല. സഹോദരങ്ങൾക്ക് ക്ഷേമം വന്നുചേരുന്നതിൽ അനുമോദിക്കും.

കാർത്തിക: ആശ്രയിച്ചു വരുന്നവർക്ക് അഭയം നൽകുവാൻ പരസഹായം തേടും. കുടുംബാംഗങ്ങളെ ഒരുമിച്ചു താമസിപ്പിക്കുവാൻ തക്കവണ്ണം തൊഴിൽ ക്രമീകരിക്കും.

രോഹിണി: അസുലഭ നിമിഷങ്ങളെ അനിർവചനീയമാക്കുവാൻ അവസരം വന്നുചേരും. സദ്ചിന്തകളാൽ സജ്ജനസംസർഗം ഉണ്ടാകും.

മകയിരം: ഭരണസംവിധാനത്തിലുള്ള അപാകതകൾ നിഷ്കർഷയോടുകൂടി തിരുത്തുവാൻ സാധിക്കും. ഭാവനകൾ യാഥാർഥ്യമാകും. 

തിരുവാതിര: അറിയാതെ ചെയ്തുപോയ അബദ്ധങ്ങൾ തിരുത്തുവാനിടവരും. വർഷങ്ങൾക്കു മുൻപു വാങ്ങിയ ഭൂമി വിൽക്കുവാൻ സാധിക്കും. 

പുണർതം: അവസരങ്ങൾ പരമാവധി പ്രയോജനപ്പെടുത്തും. മംഗളകർമങ്ങൾക്ക് ആചാര്യസ്ഥാനം വഹിക്കുവാനിടവരും.

പൂയം: വിദ്യാർഥികൾക്കും ഗവേഷകർക്കും ശാസ്ത്രജ്ഞർക്കും അനുകൂലമായ സാഹചര്യമുണ്ടാകും. ഉദ്ദേശിച്ച വിഷയത്തിൽ ഉപരിപഠനത്തിനു ചേരും. 

ആയില്യം: കുടുംബത്തിൽ സ്വസ്ഥതയും സമാധാനവും ഉണ്ടാകും. തൃപ്തിയായ വിഭാഗത്തിലേക്ക് ഉദ്യോഗമാറ്റമുണ്ടാകും. 

മകം: തൊഴിൽമേഖലകളിൽ കാലോചിതമായ പരിഷ്കാരങ്ങൾ അവലംബിക്കും. ഉദ്യോഗത്തിനോടനുബന്ധമായി ഉപരിപഠനത്തിനു ചേരും. 

പൂരം: പ്രത്യുപകാരം ചെയ്യുവാൻ സാധിക്കുന്നതിനാൽ കൃതാർഥതയുണ്ടാകും. സ്വപ്ന സാക്ഷാത്കാരത്താൽ ആത്മനിർവൃതിയുണ്ടാകും.

ഉത്രം: ആഗ്രഹങ്ങളും അഭിലാഷങ്ങളും സഫലമാകും. വൈവിധ്യങ്ങളായ വിഷയങ്ങളിൽ പ്രവർത്തിക്കുവാനുള്ള അവസരം വന്നുചേരുന്നതിനാൽ ആത്മാഭിമാനം തോന്നും. 

അത്തം: തൊഴിൽ മേഖലകളിൽ നിന്ന് സാമ്പത്തികനേട്ടമുണ്ടാകും. കലാകായിക മത്സരങ്ങൾ, ഇന്റർവ്യൂ, പരീക്ഷകൾ തുടങ്ങിയവയിൽ പ്രശസ്തി വിജയമുണ്ടാകും. 

ചിത്തിര: ഇച്ഛാ-ജ്ഞാന-ക്രിയാ ശക്തികൾ സമന്വയിപ്പിച്ചു പ്രവർത്തിക്കുന്നതെല്ലാം ലക്ഷ്യ പ്രാപ്തി കൈവരിക്കും. ഗൃഹോപകരണങ്ങൾ മാറ്റിവാങ്ങും. 

ചോതി: ഉദ്യോഗമുപേക്ഷിച്ച് ഉപരിപഠനത്തിന് ചേരുവാനുള്ള തീരുമാനം ഭാവിയിലേക്ക് ഗുണകരമാകും. ഈശ്വരപ്രാർഥനകളാൽ പരീക്ഷ വേണ്ടവിധത്തിൽ അവതരിപ്പിക്കുവാൻ സാധിക്കും. 

വിശാഖം:  വിനയം, ക്ഷമ, ആദരവ്, കാര്യനിർവഹണശക്തി തുടങ്ങിയവ സകലകാര്യ പ്രതിബന്ധങ്ങളെയും അതിജീവിക്കുവാൻ ഉപകരിക്കും. ആശയവിനിമയങ്ങളിൽ അബദ്ധങ്ങൾ ഒഴിവാക്കുവാൻ ഉൾപ്രേരണയുണ്ടാകും.

അനിഴം:  സുഖദുഃഖങ്ങൾ ഒരുപോലെ സ്വീകരിക്കുവാനുള്ള മാനസികാവസ്ഥ സംജാതമാകും. പരിഹാസ വചനങ്ങൾ കേൾക്കുവാനിടവരുമെങ്കിലും സാരാംശം മനസ്സിലാക്കി പ്രതികരിക്കുകയാണ് ഭാവിയിലേക്ക് നല്ലത്.

തൃക്കേട്ട: അപ്രധാനങ്ങളായ കാര്യങ്ങളിൽ അനാവശ്യമായി ആലോചിക്കുന്ന പ്രവണത ഒഴിവാക്കണം. വിഭാവനം ചെയ്ത വിഷയങ്ങൾ പ്രാവർത്തികമാക്കുവാൻ വിദഗ്ധോപദേശം തേടും. 

മൂലം: പ്രായോഗികവശം ചിന്തിച്ചു പ്രവർത്തിക്കുന്നതിനാൽ മാർഗതടസ്സങ്ങൾ നീങ്ങി ഉദ്ദേശിച്ച കാര്യങ്ങൾ സാധിക്കും. അസുഖങ്ങളുടെ ഗുരുതരാവസ്ഥ തരണം ചെയ്ത് പ്രവർത്തന രംഗങ്ങളിൽ വ്യാപൃതനാകും. 

പൂരാടം: ഉദ്യോഗം ഉപേക്ഷിച്ച് വ്യാപാരവ്യവസായങ്ങൾ തുടങ്ങും. അനവധി ചുമതലകൾ ഏറ്റെടുക്കേണ്ടതായി വരും. 

ഉത്രാടം: ശുഭസൂചകങ്ങളായ പ്രവർത്തനങ്ങളിൽ ആത്മാർഥമായി പ്രവർത്തിക്കുവാൻ അവസരമുണ്ടാകും. വിവിധങ്ങളും വ്യത്യസ്തങ്ങളുമായ ആശയങ്ങൾ വന്നുചേരുമെങ്കിലും വിദഗ്ധ ഉപദേശം തേടുകയാവും നല്ലത്. 

തിരുവോണം: അറിയാത്ത കാര്യങ്ങളിൽ അഭിപ്രായം പറയരുത്. മാതാപിതാക്കളുടെ ആഗ്രഹങ്ങൾ സാധിപ്പിക്കും. 

അവിട്ടം: ജീവിത യാഥാർഥ്യങ്ങൾ  മനസ്സിലാക്കി പ്രവർത്തിക്കുന്നതിനാൽ കുടുംബത്തിലെ അകാരണ കലഹങ്ങൾ ഒഴിവാകും. നൂതന ഗൃഹവാസം സാധ്യമാകും.

ചതയം: അവഗണിക്കപ്പെട്ട കാര്യങ്ങൾ പരിഗണിക്കപ്പെടുന്നതിനാൽ ആശ്വാസമുണ്ടാകും. ആത്മവിശ്വാസം വർധിക്കും. 

പൂരുരുട്ടാതി:  ഏറ്റെടുത്ത ദൗത്യം വിജയിപ്പിക്കാൻ പ്രവൃത്തിപരിചയമുള്ളവരെ നിയമിക്കും. ജീവിതയാഥാർഥ്യങ്ങളെ മനസ്സിലാക്കി ചെയ്യുന്നതെല്ലാം ലക്ഷ്യപ്രാപ്തി നേടും.

ഉത്തൃട്ടാതി: ചുമതലകളും സമ്മർദവും വർധിക്കുന്ന വിഭാഗത്തിലേക്ക് ഉദ്യോഗമാറ്റമുണ്ടാകും. പറയുന്ന വാക്കുകൾ ഫലപ്രദമായ രീതിയിൽ പ്രാബല്യത്തിൽ വന്നുചേരുന്നതിനാൽ ആശ്ചര്യമനുഭവപ്പെടും. 

രേവതി: ശാസ്ത്രീയ പ്രായോഗിക വശങ്ങൾ ചിന്തിച്ചു പ്രവർത്തിക്കുന്നതിനാൽ ആഗ്രഹ സാഫല്യമുണ്ടാകും. ഒട്ടേറെ കാര്യങ്ങൾ നിശ്ചിത സമയപരിധിക്കുള്ളിൽ ചെയ്തു തീർക്കുവാൻ സാധിക്കും.