ഈ ആഴ്ച ഓരോ നക്ഷത്രക്കാർക്കും എങ്ങനെ? സമ്പൂർണ നക്ഷത്രഫലം– കാണിപ്പയ്യൂർ
![Weekly Star Prediction by Kanippayyur Narayanan Namboodiripad Image Credit: Sumruay Rattanataipob/ Shutterstock](https://img-mm.manoramaonline.com/content/dam/mm/mo/astrology/star-predictions/images/2024/4/1/weekly-prediction-by-kanippayyur-march-31-to-april-06.jpg?w=1120&h=583)
Mail This Article
അശ്വതി: പ്രതികൂല സാഹചര്യങ്ങളെ അതിജീവിക്കുവാനുള്ള ആത്മവിശ്വാസമുണ്ടാകും. മാതാപിതാക്കളെ അനുസരിക്കുന്നതിൽ ആത്മസംതൃപ്തിയുണ്ടാകും.
ഭരണി: പ്രതിസന്ധികളിൽ തളരാതെ പ്രവർത്തിക്കുവാൻ സാധിക്കും. ജീവിതപങ്കാളിയുടെ ആശയങ്ങൾ സ്വീകരിക്കുന്നതിൽ ആത്മസംതൃപ്തിയുണ്ടാകും.
കാർത്തിക: സമചിത്തതയോടു കൂടിയ പ്രവർത്തനശൈലി അവലംബിക്കും. ഉൽപന്നങ്ങളുടെ ഗുണനിലവാരം വർധിപ്പിക്കുവാൻ തയാറാകും.
രോഹിണി: ഉപരിപഠനത്തിനു ചേരുവാനിട വരും. മാർഗതടസ്സങ്ങൾ നീങ്ങി സർവകാര്യവിജയം നേടും.
മകയിരം: സംഘടിത ശ്രമങ്ങൾ വിജയിക്കും. മാതൃകാപരമായ പ്രവർത്തനങ്ങൾ കാഴ്ച വയ്ക്കുവാൻ തയാറാകും.
തിരുവാതിര: സേവനസാമർഥ്യത്താൽ സർവകാര്യവിജയം നേടും. ജീവിതത്തിനു വഴിത്തിരിവുണ്ടാകുന്ന പ്രവൃത്തികളിൽ ഏർപ്പെടും.
പുണർതം: കുടുംബത്തിൽ ആഹ്ലാദാന്തരീക്ഷം സംജാതമാകും. വിമർശനങ്ങളെ അതിജീവിക്കുവാൻ സാധിക്കും.
പൂയം: അർഹമായ പൂർവികസ്വത്ത് ലഭിക്കും. ആഗ്രഹസാഫല്യത്താൽ ആത്മനിർവൃതിയുണ്ടാകും.
ആയില്യം: സുവ്യക്തമായ നിലപാട് സർവാദരങ്ങൾക്കും വഴിയൊരുക്കും. സജ്ജന സംസർഗത്താൽ സദാചാര ബോധമുണ്ടാകും.
മകം: പരീക്ഷണ നിരീക്ഷണങ്ങളിൽ വിജയിക്കും. പിതൃസ്വത്തിൽ ഗൃഹനിർമാണ പ്രവർത്തനങ്ങൾ തുടങ്ങിവയ്ക്കും.
പൂരം: കലാകായിക രംഗങ്ങളിൽ പുനരാവിഷ്കരണം പുനർജീവനു വഴിയൊരുക്കും. സുരക്ഷിതമായ രംഗങ്ങളിൽ പണം മുടക്കും.
ഉത്രം: കക്ഷിരാഷ്ട്രീയ പ്രവർത്തനങ്ങളിൽ സജീവ സാന്നിധ്യം വേണ്ടിവരും. ആരോഗ്യം തൃപ്തികരമായിരിക്കും.
അത്തം: അനുഭവജ്ഞാനത്താൽ അബദ്ധങ്ങളിൽ നിന്ന് ഒഴിഞ്ഞുമാറും. മാന്യതയോടു കൂടിയ പെരുമാറ്റ രീതി അവലംബിക്കും.
ചിത്തിര: മഹാത്മാക്കളുടെ ആപ്ത വചനങ്ങൾ സ്വന്തം ജീവിതത്തിൽ പകർത്തുവാൻ തയാറാകും. കർമമണ്ഡലങ്ങളിൽ പുരോഗതിയുണ്ടാകും.
ചോതി: മേലധികാരിയുടെ ചുമതലകൾ നിർവഹിക്കും. ശ്രമകരമായ പ്രവർത്തനങ്ങൾ ലക്ഷ്യപ്രാപ്തി നേടും.
വിശാഖം: പരസ്പര വിശ്വാസത്തോടു കൂടി പുതിയ പ്രവർത്തനങ്ങൾ ഏറ്റെടുക്കും. സമന്വയ സമീപനം സർവകാര്യ വിജയങ്ങൾക്കും വഴിയൊരുക്കും.
അനിഴം: ആസൂത്രിത പദ്ധതികളിൽ അനുകൂല വിജയം ഉണ്ടാകും. ചിരകാലാഭിലാഷ പ്രാപ്തിയായ വിദേശയാത്രയ്ക്ക് അനുമതി ലഭിക്കും.
തൃക്കേട്ട: അഹോരാത്രം പ്രയത്നിക്കുന്നതിനാൽ അനുകൂല വിജയം ഉണ്ടാകും. വ്യവസ്ഥകൾ പാലിക്കും.
മൂലം: ഹ്രസ്വകാല പാഠ്യ പദ്ധതിക്ക് ചേരും. വാക്കും പ്രവൃത്തിയും ഫലപ്രദമാകും.
പൂരാടം: അഭിലാഷങ്ങൾ സഫലമാകും. അർഹമായ പൂർവിക സ്വത്ത് രേഖാപരമായി ലഭിക്കും.
ഉത്രാടം: ഉത്തേജന മരുന്നുകൾ ഉപേക്ഷിക്കും. കർമമേഖലകളിൽ പുരോഗതിയും സാമ്പത്തിക നേട്ടവും ഉണ്ടാകും.
തിരുവോണം: വസ്തുതകൾ മനസ്സിലാക്കി ആത്മനിയന്ത്രണത്തോടു കൂടി ചെയ്യുന്ന പ്രവർത്തനങ്ങൾ ലക്ഷ്യപ്രാപ്തി നേടും. മറന്നു കിടപ്പുള്ള കാര്യങ്ങൾ ഓർമ വരും.
അവിട്ടം: നന്മതിന്മകളെ വേർതിരിച്ചറിഞ്ഞു പ്രവർത്തിക്കുവാൻ തയാറാകും. പ്രവർത്തനരംഗം മെച്ചപ്പെടും.
ചതയം: സത്യസന്ധമായ സമീപനം സർവകാര്യങ്ങൾക്കും വഴിയൊരുക്കും. ക്രയവിക്രയങ്ങളിൽ സാമ്പത്തിക നേട്ടമുണ്ടാകും. കക്ഷി രാഷ്ട്രീയ പ്രവർത്തനങ്ങളിൽ സജീവമാകും.
പൂരുരുട്ടാതി: ദമ്പതികൾക്ക് ഒരുമിച്ചു താമസിക്കുവാൻ തക്കവണ്ണം ഉദ്യോഗമാറ്റമുണ്ടാകും. പ്രതിരോധശക്തി വർധിക്കും.
ഉത്തൃട്ടാതി: ബന്ധുസഹായമുണ്ടാകും. പ്രവർത്തന മേഖലകളിൽ പുരോഗതിയും സാമ്പത്തിക നേട്ടവും ഉണ്ടാകും. ഓർമിച്ചു പ്രവർത്തിക്കുവാൻ അവസരമുണ്ടാകും.
രേവതി: വിവേകത്തോടു കൂടിയ സമീപനം സർവകാര്യങ്ങൾക്കും വഴിയൊരുക്കും. വാക്കും പ്രവൃത്തിയും ഫലപ്രദമാകും.