അച്ഛൻ മരിച്ച വേദന ഉള്ളിലൊതുക്കി പ്ലസ് ടു പരീക്ഷ എഴുതി റിയ; ആശ്വസിപ്പിക്കാൻ വാക്കുകളില്ലാതെ കണ്ണീരണിഞ്ഞ് അധ്യാപകര്
![plus-2-exam-gif പ്ലസ്ടു പരീക്ഷ എഴുതുന്ന മാവേലിക്കര മറ്റം സെന്റ് ജോൺസ് എച്ച്എസ്എസ് പ്ലസ്ടു വിദ്യാർഥിനി റിയ ടി.രാജൻ.](https://img-mm.manoramaonline.com/content/dam/mm/mo/district-news/alappuzha/images/2024/3/24/plus-2-exam.gif?w=1120&h=583)
Mail This Article
×
മാവേലിക്കര ∙ അച്ഛൻ മരിച്ച വേദന ഉള്ളിലൊതുക്കി റിയ ഹിന്ദി പരീക്ഷ എഴുതി. ഓരോ ഉത്തരവും എഴുതുമ്പോഴും ഉള്ളിലുയർന്ന സങ്കടക്കടലിൽ പതറാതെ പരീക്ഷ എഴുതിയിറങ്ങിയ റിയയെ ആശ്വസിപ്പിക്കാൻ വാക്കുകളില്ലാതെ അധ്യാപകരും കണ്ണീരണിഞ്ഞു.
മറ്റം സെന്റ് ജോൺസ് എച്ച്എസ്എസ് പ്ലസ്ടു ബയോളജി വിദ്യാർഥിനി റിയ ടി.രാജന്റെ പിതാവ് പത്തിച്ചിറ ആർ.ആർ.കോട്ടേജിൽ രാജൻ ജോസഫ് (49) രോഗബാധിതനായി കോട്ടയം മെഡിക്കൽ കോളജ് ആശുപത്രിയിൽ ചികിത്സയിലിരിക്കെ വെള്ളിയാഴ്ചയാണു മരിച്ചത്.
റിയയുടെ പ്ലസ്ടുവിന്റെ അവസാന പരീക്ഷ ഇന്നലെ നടക്കുന്നതിനാൽ സംസ്കാരം ഇന്നത്തേക്ക് മാറ്റുകയായിരുന്നു.ഇന്നലെ മാതൃസഹോദരനാണു റിയയെ പരീക്ഷയ്ക്കായി സ്കൂളിലെത്തിച്ചത്. രാജന്റെ സംസ്കാരം ഇന്ന് 11നു വസതിയിലെ ശുശ്രൂഷയ്ക്കു ശേഷം പത്തിച്ചിറ സെന്റ് ജോൺസ് ഓർത്തഡോക്സ് വലിയപള്ളിയിൽ.
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.