ആരോഗ്യ സർവകലാശാല ഇന്റർസോൺ കലോത്സവം: കോഴിക്കോട് മെഡി. കോളജിന് കിരീടം

കോട്ടയ്ക്കൽ∙ ആരോഗ്യ സർവകലാശാല ഇന്റർസോൺ കലോത്സവത്തിൽ കിരീടം കോഴിക്കോട് ഗവ. മെഡിക്കൽ കോളജിന്. 143 പോയിന്റ് സ്വന്തമാക്കിയാണ് കിരീടം ചൂടിയത്. 71 പോയിന്റുനേടി കൊല്ലം ഗവ. മെഡിക്കൽ കോളജാണ് രണ്ടാമത്. 67 പോയിന്റ് കരസ്ഥമാക്കി ആതിഥേയരായ കോട്ടയ്ക്കൽ ആയുർവേദ കോളജ് മൂന്നാം സ്ഥാനത്തെത്തി.

സമാപന സമ്മേളനം കലക്ടർ വി.ആർ.വിനോദ് ഉദ്ഘാടനം ചെയ്തു. ആരോഗ്യ സർവകലാശാല യൂണിയൻ ചെയർമാൻ ഡോ. അക്വീൽ മുഹമ്മദ് ആധ്യക്ഷ്യം വഹിച്ചു. ഡോ.വി.എൻ.ഇക്ബാൽ, ഡോ.സി.വി.ജയദേവൻ, ഡോ.എം.വി.വിനോദ്കുമാർ, ഡോ.കൃഷ്ണ പ്രസാദ്, പി.അനഘ എന്നിവർ പ്രസംഗിച്ചു.