ചോദ്യം: ബിടെക് ബയോടെക്നോളജിക്കു ശേഷമുള്ള ഉപരിപഠനാവസരങ്ങൾ എന്തെല്ലാം ?

ഒരു വിദ്യാർഥിനി

ഉത്തരം: മെഡിക്കൽ ബയോടെക്നോളജി, ഇൻഡസ്ട്രിയൽ ബയോടെക്നോളജി, മറൈൻ ബയോടെക്നോളജി, എൻവയൺമെന്റൽ ബയോടെക്നോളജി, അഗ്രികൾചറൽ ബയോടെക്നോളജി, ബയോ ഇൻഫർമാറ്റിക്സ്‌, ബയോപ്രോസസ് എൻജിനീയറിങ്, അനിമൽ ബയോടെക്നോളജി എന്നിങ്ങനെ വിവിധ മേഖലകളിൽ ഉപരിപഠനാവസരങ്ങളുണ്ട്. 

Read Also : പ്രഗ്നാനന്ദയെയും അമ്മ നാഗലക്ഷ്മിയെയും മാതൃകയാക്കാനാണോ പ്ലാൻ; വെറും ‘കളി’യല്ല ചെസ് ഉഗ്രൻ‘കരിയർ ഓപ്ഷൻ’

നാഷനൽ ടെസ്റ്റിങ് ഏജൻസി (എൻടിഎ) നടത്തുന്ന ഗ്രാജ്വേറ്റ് ആപ്റ്റിറ്റ്യൂഡ് ടെസ്റ്റ് ഇൻ ബയോടെക്നോളജി (GAT - B) / ബയോടെക്നോളജി എലിജിബിലിറ്റി ടെസ്റ്റ് (BET) എന്നിവയാണ്  പ്രധാന പ്രവേശനപരീക്ഷകൾ. ബയോടെക്നോളജിക്കു പുറമേ കെമിസ്ട്രി, ബയോളജി, ലൈഫ് സയൻസ് അനുബന്ധ വിഷയങ്ങളിൽ ബിടെക് / എംഎസ്‌സി / എംടെക് യോഗ്യതയുള്ളവർക്കും എംബിബിഎസ്, എംഎസ്‌സി അഗ്രികൾചർ, എംവിഎസ്‌സി ബിരുദധാരികൾക്കും (അവസാന സെമസ്റ്റർ വിദ്യാർഥികൾക്കും) BET എഴുതാം. ബയോളജി, ലൈഫ് സയൻസസ്, അഗ്രികൾചർ , ഫോറസ്ട്രി, ബയോ ടെക്നോളജി അഥവാ അനുബന്ധ വിഷയങ്ങളിൽ ബിരുദമുള്ളവർക്ക് (അവസാന സെമസ്റ്റർ വിദ്യാർഥികൾക്കും) GAT-B എഴുതാം. അതേസമയം ഓരോ സ്ഥാപനവും നിർദിഷ്ട പ്രോഗ്രാമുകൾക്ക് നിശ്ചയിച്ചിട്ടുള്ള മിനിമം യോഗ്യതകളും വേണം.

ഐഐടികൾ നടത്തുന്ന ഗേറ്റ്, ഐഐഎസ്‌സി ജാം എന്നിവയാണ് മറ്റു പ്രധാന എൻട്രൻസ് ടെസ്റ്റുകൾ.  ഈ സ്ഥാപനങ്ങളിൽ പ്രവേശനം ലക്ഷ്യമിടുന്നവർക്ക് ഇവയെഴുതാം. 

   പ്രധാന എംടെക് പ്രോഗ്രാമുകൾ ചുവടെ: 

∙ ഐഐടി ബോംബെ: എംടെക് ബയോമെഡിക്കൽ എൻജിനീയറിങ്എംടെക്–പിഎച്ച്ഡി ഡ്യുവൽ ഡിഗ്രി ബയോസയൻസ് & ബയോഎൻജിനീയറിങ് 

∙ ഐഐടി ഡൽഹി: എംടെക് ബയോമെഡിക്കൽ എൻജിനീയറിങ്, എംഎസ് (റിസർച്) ബയളോജിക്കൽ സയൻസസ് / ബയോകെമിക്കൽ എൻജിനീയറിങ് & ബയോടെക്നോളജി

∙ ഐഐടി ഖരഗ്പുർ: എംടെക് ബയോടെക്നോളജി

∙ ഐഐടി മദ്രാസ്: എംടെക് ബയോപ്രോസസ് എൻജിനീയറിങ്

∙ ഐഐടി കാൻപുർ: എംടെക് ബയളോജിക്കൽ സയൻസസ് & ബയോഎൻജിനീയറിങ്

∙ പോണ്ടിച്ചേരി സർവകലാശാല: എംടെക് കംപ്യൂട്ടേഷനൽ ബയോളജി

∙ ഐസിടി മുംബൈ: എംടെക് (ബയോപ്രോസസ് ടെക്നോളജി / ഫുഡ് ബയോടെക്നോളജി / ഫാർമസ്യൂട്ടിക്കൽ ബയോടെക്നോളജി)

∙ കുസാറ്റ്: എംടെക് മറൈൻ ബയോടെക്നോളജി

പ്രധാന എംഎസ്‌സി പ്രോഗ്രാമുകളും 

സ്ഥാപനങ്ങളും ചുവടെ: 

∙ ബയോടെക്നോളജി: ഐഐടി (ബോംബെ / ഇൻഡോർ / റൂർക്കി), ജെഎൻയു ഡൽഹി, എയിംസ്, ബിഎച്ച്‌യു വാരാണസി, ഹൈദരാബാദ് സർവകലാശാല, പോണ്ടിച്ചേരി സർവകലാശാല, വിശ്വഭാരതി കൊൽക്കത്ത, ഭാരതിയാർ സർവകലാശാല കോയമ്പത്തൂർ, പൂന സർവകലാശാല

∙ കംപ്യൂട്ടേഷനൽ & ഇന്റഗ്രേറ്റീവ് സയൻസസ്: ജെഎൻയു ഡൽഹി

∙ മോളിക്യുലർ & ഹ്യുമൻ ജനറ്റിക്സ്: ബിഎച്ച്‌യു വാരാണസി, തെലങ്കാന സർവകലാശാല

∙ അഗ്രികൾചർ ബയോടെക്നോളജി: ജി.ബി.പന്ത് കാർഷിക സർവകലാശാല ഉത്തരാഖണ്ഡ്, തമിഴ്നാട് കാർഷിക സർവകലാശാല കോയമ്പത്തൂർ

∙ ബയോ ഇൻഫർമാറ്റിക്സ്:   പൂന സർവകലാശാല

∙ കംപ്യൂട്ടേഷനൽ ബയോളജി: കേരള സർവകലാശാല

∙ മെഡിക്കൽ ബയോടെക്നോളജി: മണിപ്പാൽ സ്കൂൾ ഓഫ് ലൈഫ് സയൻസസ്

Content Summary : Your guide to the top MTech and MSc programs in Biotechnology