ആരോഗ്യകരമായ മത്സരങ്ങളും സൗഹൃദങ്ങളുമാകട്ടെ ഈ വർഷത്തിന്റെ പ്രതിജ്ഞ: എസ്.ശ്രീക്കുട്ടൻ

പുതുവർഷത്തിലേക്കായി പുതിയ തീരുമാനങ്ങൾ എടുക്കുന്ന പതിവ് ഇല്ല. എന്നാൽ തീരുമാനങ്ങൾ എടുക്കേണ്ട സമയത്ത് എടുത്തിട്ടുണ്ടെന്നാണ് വിശ്വാസം. ക്യാംപസുകളിലെ അരാഷ്ട്രീയത വലിയ പ്രശ്നമായി മാറുകയാണ്. അത് മാറി രാഷ്ട്രീയ പ്രബുദ്ധതയുള്ള യുവത്വം  ഈ പുതുവർഷമെങ്കിലും കലാലയങ്ങളിലുണ്ടാവട്ടെ എന്ന് ആഗ്രഹിക്കുന്നു.

സർഗാത്മകതകളാണ് ക്യാംപസുകളുടെ മുഖമുദ്ര. അതില്ലാതായാൽ കലാലയങ്ങളില്ല. ആക്രമണോത്സുകതയും പരസ്പര വൈര്യവുമില്ലാത്ത ആരോഗ്യകരമായ മത്സരങ്ങളും സൗഹൃദങ്ങളുമാകട്ടെ ഈ വർഷത്തിന്റെ പ്രതിജ്ഞ. എല്ലാവർക്കും പുതുവത്സരാശംസകൾ.

എസ്.ശ്രീക്കുട്ടൻ
കേരളവർമ കോളജ്, തൃശൂർ