ക്രിസ്മസ് അവധിക്കു ശേഷം സ്കൂളുകൾ ഇന്ന് തുറന്നു: എൻഎസ്എസ് ക്യാംപുകൾ അവസാനിച്ചതും ഇന്ന്

തിരുവനന്തപുരം ∙ ക്രിസ്മസ് അവധിക്കു ശേഷം സംസ്ഥാനത്തെ പൊതുവിദ്യാലയങ്ങൾ ഇന്നു തുറന്നു. ഹയർ സെക്കൻഡറി എൻഎസ്എസ് സഹവാസ ക്യാംപുകൾ അവസാനിക്കുന്നതും ഇന്നാണ്.  ഭൂരിപക്ഷം ഹയർ സെക്കൻഡറി സ്കൂളുകളിലും ക്യാംപുകൾ നടക്കുന്നുണ്ട്.  

ഇവിടങ്ങളിൽ ഇന്ന് ക്ലാസും ക്യാംപും ഒരുമിച്ചു നടത്തേണ്ട സ്ഥിതിയാണ്. പലയിടത്തും ഇന്നു രാവിലെ ക്ലാസ് ആരംഭിക്കുന്നതിനു മുൻപേ ക്യാംപ് അവസാനിപ്പിക്കാനാണ് സ്കൂൾ അധികൃതരുടെ തീരുമാനം. ഏറെ ആശയക്കുഴപ്പം സൃഷ്ടിച്ച ഇക്കാര്യത്തിൽ പൊതുവിദ്യാഭ്യാസ വകുപ്പും വ്യക്തത വരുത്തിയിരുന്നില്ല. ഇന്നു സ്കൂൾ തുറക്കുമെങ്കിലും നാളെ മന്നം ജയന്തി പ്രമാണിച്ച് പൊതു അവധിയാണ്.