100 കോടി ഭക്ഷണ പദ്ധതിക്ക് കോടിക്കണക്കിന് പിന്തുണ; ഒരാഴ്ചയ്ക്കിടെ സമാഹരിച്ചത് 24.7 കോടി ദിർഹം

one-billion-meals
ഭക്ഷണം പായ്ക്ക് ചെയ്ത് കൈമാറുന്ന വൊളന്റിയർമാർ.
SHARE

അബുദാബി∙ റമസാനിൽ ലോകത്തിന്റെ പട്ടിണിയകറ്റാൻ യുഎഇ പ്രഖ്യാപിച്ച 100 കോടി ഭക്ഷണ പദ്ധതിക്ക് വൻ ജനപിന്തുണ. ഒരാഴ്ചയ്ക്കിടെ 24.7 കോടി ദിർഹം സമാഹരിച്ചു. വ്യക്തികൾ, ബിസിനസുകാർ തുടങ്ങി 13,220 പേരാണ് ഇത്രയും തുക സംഭാവന ചെയ്തത്. യുഎഇ വൈസ് പ്രസിഡന്റും പ്രധാനമന്ത്രിയും ദുബായ് ഭരണാധികാരിയുമായ ഷെയ്ഖ് മുഹമ്മദ് ബിൻ റാഷിദ് അൽ മക്തൂം കഴിഞ്ഞ ആഴ്ചയാണ് കാരുണ്യ പദ്ധതി പ്രഖ്യാപിച്ചത്.

Also read: പ്രവാസികളുടെ പ്രിയ താരം, ആ പിറന്നാൾ സമ്മാനം; ഇന്നസന്റിന്റെ ഓർമകളിൽ യുഎഇയിലെ സുഹൃത്ത് ചാക്കോ

മുഹമ്മദ് ബിൻ റാഷിദ് അൽ മക്തൂം ഗ്ലോബൽ ഇനിഷ്യേറ്റിവ്സ് ആണ് പദ്ധതിക്കു നേതൃത്വം നൽകുന്നത്. ഇവർ അർഹരായവരെ കണ്ടെത്തി ഭക്ഷണം കൈമാറും. രാജ്യത്തിന്റെ ജീവകാരുണ്യ പ്രവർത്തനങ്ങളിൽ  എല്ലാവർക്കും പങ്കാളികളാകാൻ സൗകര്യം ഒരുക്കിയിട്ടുണ്ടെന്ന് മുഹമ്മദ് ബിൻ റാഷിദ് അൽ മക്തൂം ഗ്ലോബൽ ഇനിഷ്യേറ്റീവ്സ് സെക്രട്ടറി ജനറൽ മുഹമ്മദ് അൽ ഗർഗാവി പറഞ്ഞു.

സംഭാവന നൽകാം

വൺ ബില്യൻ മീൽസ് ക്യാംപെയ്ൻ വെബ്‌സൈറ്റിലൂടെയോ (https://www.1billionmeals.ae/) ഇത്തിസാലാത്ത്, ഡു മുഖേന എസ്എംഎസ് ആയോ ബാങ്ക് ട്രാൻസ്ഫർ മുഖേനയോ സംഭാവന കൈമാറാം. ഒന്നിച്ചോ ഗഡുക്കളായോ നൽകാം. ദുബായ് നൗ ആപ് വഴിയും സൗകര്യം ഒരുക്കിയിട്ടുണ്ട്. ഏറ്റവും കുറഞ്ഞത് 10, 50, 100, 500 ദിർഹം വീതം നൽകാം. കഴിഞ്ഞ വർഷം ഇന്ത്യ, പാക്കിസ്ഥാൻ, ബംഗ്ലദേശ്, ഈജിപ്ത്, കെനിയ, സെനഗൽ, തുനീസിയ, ഇറാഖ്, കൊസോവൊ ഉൾപ്പെടെ 50 രാജ്യങ്ങളിൽ ഉള്ളവർക്ക് ഭക്ഷണം എത്തിച്ചിരുന്നു.

എസ്എംഎസ് ഇങ്ങനെ

ഇത്തിസാലാത്ത്, ഡു ഉപഭോക്താക്കൾ Meal എന്ന് ടൈപ്പ് ചെയ്താണ് സംഭാവന അയയ്ക്കേണ്ടത്. 10 ദിർഹമാണെങ്കിൽ 1034, 50 ആണെങ്കിൽ 1035, 100 ആണെങ്കിൽ 1036, 500 ആണെങ്കിൽ 1038 എന്ന നമ്പറിലേക്കും എസ്എംഎസ് അയയ്ക്കാം. മൊബൈലിലെ ക്രെഡിറ്റിൽ നിന്ന് തുക ഈടാക്കും. വലിയ സംഭാവനകൾ നൽകാനുദ്ദേശിക്കുന്നവർ 800 9999 എന്ന നമ്പറിൽ 

ബന്ധപ്പെടാം. 

തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.

Video

ചുംബിക്കുന്നതു കണ്ടാൽ പോലും പ്രശ്നമാണ്

MORE VIDEOS
FROM ONMANORAMA