ജി​ദ്ദ എ​യ​ർ​പോ​ർ​ട്ടിൽ ഹ​ജ് സേ​വ​ന പദ്ധതിയുടെ ഒരുക്കങ്ങൾ പൂർത്തിയായി

ജി​ദ്ദ ∙ ജി​ദ്ദ വി​മാ​ന​ത്താ​വ​ളം വ​ഴി എ​ത്തു​ന്ന ഹ​ജ് തീ​ർ​ഥാ​ട​ക​രു​ടെ സു​ര​ക്ഷ​യും സൗ​ക​ര്യ​വും ഉ​റ​പ്പാ​ക്കു​ന്ന​തി​നാ​യി എ​ല്ലാ ക്രമീകരണങ്ങളും പൂ​ർ​ത്തി​യാ​ക്കി​യുന്നതിന് ഹ​ജ് സേ​വ​ന പദ്ധതി ജി​ദ്ദ എ​യ​ർ​പോ​ർ​ട്ട് അ​ധി​കാ​രി​കൾ ന​ട​പ്പാ​ക്കി​യി​ട്ടുണ്ടെന്ന്​ സി.​ഇ.​ഒ എ​ൻജി​നീ​യ​ർ മാ​സി​ൻ ബി​ൻ മു​ഹ​മ്മ​ദ് ജൗ​ഹ​ർ വ്യ​ക്ത​മാ​ക്കി. 12 ല​ക്ഷം ഹ​ജ് തീ​ർ​ഥാ​ട​ക​ർ​ക്ക് സേ​വ​നം ന​ൽ​കു​ന്ന​തി​നുള്ള ഈ പ​ദ്ധ​തി​ക്ക് ജി​ദ്ദ വി​മാ​ന​ത്താ​വ​ളം അം​ഗീ​കാ​രം ന​ൽ​കി​യി​ട്ടുണ്ട്. ദു​ൽ​ഖ​അ​ദ്​ ഒ​ന്നി​ന്​ ആ​ദ്യ വി​മാ​നം വ​ന്നു​ചേ​രു​ന്ന​തോ​ടെ പ​ദ്ധ​തി പ്ര​വ​ർ​ത്ത​ന​ക്ഷ​മ​മാ​കും. ടെ​ർ​മി​ന​ൽ ഒ​ന്ന്, നോ​ർ​ത്ത് ടെ​ർ​മി​ന​ൽ, ഹ​ജ്, ഉം​റ ലോ​ഞ്ച് കോം​പ്ല​ക്‌​സ് എ​ന്നി​വ​യി​ലെ എ​ല്ലാ എ​യ​ർ​പോ​ർ​ട്ട് ലോ​ഞ്ചു​ക​ളും പ്ര​വ​ർ​ത്തി​പ്പി​ക്കു​ന്ന​ത് പ​ദ്ധ​തി​യി​ലു​ൾ​പ്പെ​ടും. മൂ​ന്ന് ഹാ​ളു​ക​ളി​ലും പാ​സ്‌​പോ​ർ​ട്ട് ന​ട​പ​ടി​ക്ര​മ​ങ്ങ​ൾ പൂ​ർ​ത്തി​യാ​ക്കു​ന്ന​തി​ന്​ നിരവധി പ്ലാ​റ്റ്‌​ഫോ​മു​ക​ളു​ണ്ട്.

ബാ​ഗേ​ജ് സ്വീ​ക​രി​ക്കു​ന്ന​തി​ന് 440​ പ്ലാ​റ്റ്‌​ഫോ​മു​ക​ൾ, 56 മൊ​ബൈ​ൽ ബ്രി​ഡ്​​ജ്​ ഗേ​റ്റു​ക​ൾ, 54 ക​സ്റ്റം​സ് പ​രി​ശോ​ധ​ന ഉ​പ​ക​ര​ണ​ങ്ങ​ൾ, ല​ഗേ​ജ് ശേ​ഖ​രി​ക്കാ​ൻ 29 പാ​ത​ക​ൾ, 28 ബ​സ് ഗേ​റ്റു​ക​ൾ, നാ​ല്​ ആ​രോ​ഗ്യ കേ​ന്ദ്ര​ങ്ങ​ൾ, ഗ്രൂ​പ്പ് ല​ഗേ​ജു​ക​ൾ​ക്കാ​യി ര​ണ്ട് പ്ലാ​റ്റ്ഫോ​മു​ക​ൾ എ​ന്നി​വ തീ​ർ​ഥാ​ട​ക​ക​രു​ടെ സേ​വ​ന​ത്തി​നു​ണ്ട്. തീ​ർ​ഥാ​ട​ക​രെ സേ​വി​ക്കു​ന്ന​തി​നും അ​വ​രു​ടെ ന​ട​പ​ടി​ക്ര​മ​ങ്ങ​ൾ സു​ഗ​മ​മാ​ക്കു​ന്ന​തി​നും വി​മാ​ന​ത്താ​വ​ള​ത്തി​ൽ പീ​ക്ക് കാ​ല​യ​ള​വി​ൽ സ​ർ​ക്കാ​ർ, സു​ര​ക്ഷാ, പ്ര​വ​ർ​ത്ത​ന മേ​ഖ​ല​ക​ളി​ൽ നി​ന്നു​ള്ള ജീ​വ​ന​ക്കാ​രു​ടെ എ​ണ്ണം 16,000 എ​ത്തു​​മെ​ന്നും സി.​ഇ.​ഒ പ​റ​ഞ്ഞു.