എറണാകുളം കുറുമശേരിയിലാണ് ഹരിയുടെയും കുടുംബത്തിന്റെയും പുതിയ വീട്. പഴയ തറവാട് പൊളിച്ചുനീക്കിയാണ് പുതിയ വീടുപണിതത്. വാസ്തുശാസ്ത്രപ്രമാണങ്ങൾ പാലിച്ചാണ് നിർമാണം. പ്ലോട്ടിലെ പഴയ  കിണർ നിലനിർത്തിയാണ് വീടിനു സ്ഥാനം കണ്ടത്.

സമകാലിക ശൈലിയിലാണ് എലിവേഷൻ എങ്കിലും സിറ്റൗട്ടിൽ കൊടുത്തിരിക്കുന്ന തേക്കിന്റെ പാനലിങ് പരമ്പരാഗത ശൈലി അനുസ്മരിപ്പിക്കുന്നു. അകത്തും പുറത്തും ലളിതസുന്ദരമായ ഡിസൈൻ നയങ്ങളാണ് വീടിന്റെ ഭംഗി നിർണയിക്കുന്നത്. എലിവേഷനോട് ചേർന്നുപോകുന്ന ചുറ്റുമതിലും ഗേറ്റും കൊടുത്തു.

സിറ്റൗട്ട്, ലിവിങ്, ഡൈനിങ്, കിച്ചൻ, വർക്കേരിയ, രണ്ടു കിടപ്പുമുറികൾ എന്നിവയാണ് താഴത്തെ നിലയിലുള്ളത്. അപ്പർ ലിവിങ്, രണ്ടു കിടപ്പുമുറികൾ, ഓപ്പൺ ടെറസ് എന്നിവയാണ് മുകൾനിലയിലുള്ളത്. 2241ചതുരശ്രയടിയാണ് വിസ്തീർണം.

ഷോ കാണിക്കാനായി അകത്തളത്തിൽ ഒന്നും ചെയ്തിട്ടില്ല. ഓരോ സ്‌പേസുകളും ആവശ്യപ്പെടുന്ന അലങ്കാരങ്ങൾ മാത്രമാണ് ചെയ്തത്. സ്ക്വയർ പാറ്റേണിൽ കൊടുത്ത സീലിങ് ഡിസൈനുകൾ മനോഹരമാണ്.

തേക്ക്, മഹാഗണി, ആഞ്ഞിലി എന്നിവയാണ് തടിപ്പണികൾക്കായി ഉപയോഗിച്ചത്.

നാലു കിടപ്പുമുറികളും വിശാലമാണ്. അറ്റാച്ഡ് ബാത്റൂം, വാഡ്രോബ്, ഡ്രസിങ് യൂണിറ്റ് എന്നിവ സജ്ജീകരിച്ചു.

റെഡ് + വൈറ്റ് തീമിലാണ് L ആകൃതിയിലുള്ള  കിച്ചൻ. മൾട്ടിവുഡ്, മറൈൻ പ്ലൈവുഡ്, വെനീർ കോംബിനേഷനിലാണ് കിച്ചൻ കബോർഡുകൾ. കൗണ്ടറിൽ ബ്ലാക് ഗ്രാനൈറ്റ് വിരിച്ചു.

സ്ട്രക്ചറും ഫർണിഷിങ്ങും ചുറ്റുമതിലും ലാൻഡ്സ്കേപ്പിങ്ങും സഹിതം 60 ലക്ഷം രൂപയാണ് വീടിനു ചെലവായത്.

Project facts

Location- Kurumassery, Ernakulam

Plot- 96 cent

Area- 2241 SFT

Owner- Hari.G

Design- Anoop KG

Cadd Artec, Angamali

Mob- 9037979660

Y.C- 2021

English Summary- Vasthu Based Home Plans; Home Tour Malayalam