കത്തികൊണ്ട് കപ്പയരിഞ്ഞ് കൈ വേദനിച്ചോ; അപ്പച്ചന്റെ കപ്പയരിയൽ യന്ത്രം സഹായിക്കും

കത്തികൊണ്ട് കപ്പയരിഞ്ഞ് കൈ വേദനിച്ചപ്പോൾ പരിഹാരമായി ഇടുക്കി തൊടുപുഴ മുട്ടത്തുള്ള പൂവത്തോട്ടത്തിൽ മാത്യു ഏബ്രഹാം എന്ന അപ്പച്ചൻ വികസിപ്പിച്ചതാണ് കപ്പയരിയൽ യന്ത്രം. 3 ബ്ലെയ്ഡുകൾ ചേരുന്ന ഡിസ്ക് ആണ് പ്രധാന ഭാഗം. ഇരുന്നു പ്രവർത്തിപ്പിക്കാവുന്ന രീതിയിൽ സൗകര്യപ്രദമായി സ്റ്റൂളിലോ മറ്റോ ഘടിപ്പിക്കാം. സഞ്ചിയിലാക്കി കൊണ്ടു നടക്കാവുന്നത്ര വലുപ്പമേയുള്ളൂ. മികച്ച തകിട് കൈകൊണ്ടു തന്നെ വെട്ടിയെടുത്ത് അപ്പച്ചൻ തയാറാക്കുന്ന ഈ യന്ത്രത്തിന് നിലവിൽ 6000 രൂപയാണ് വില. കപ്പയരിയൽ യന്ത്രത്തിൽ ചെറിയ മാറ്റങ്ങൾ വരുത്തി പച്ചക്കറി അരിയുന്ന മറ്റൊരു യന്ത്രവും അപ്പച്ചൻ ഇപ്പോൾ വികസിപ്പിച്ചിട്ടുണ്ട്. 

ഫോൺ: 9961769860

English summary: Simple Machine for Cassava Farmers