ഉള്ളടക്കം കൊണ്ട് സ്ത്രീപക്ഷ കഥയെഴുത്തിൽ തലമുറവിച്ഛേദം അടയാളപ്പെടുത്തിയ ജിസജോസിന്റെ പുതിയ കഥാസമാഹാരം. സ്ത്രീകൾ ഒത്തുചേരുന്ന സ്വകാര്യയിടങ്ങളിൽ മാത്രം കേൾക്കാവുന്ന സ്ഫോടനാത്മക പ്രതിരോധങ്ങളാണ് ഇതിലെ ഓരോ കഥയുടെയും ഉള്ളൊഴുക്ക്. പുരുഷനെ ശത്രുവായി പ്രഖ്യാപിക്കാതെ ആൺകോയ്മയെ സൃഷ്ടിക്കുന്ന വ്യവസ്ഥിതിയെ സൂക്ഷ്മമായി പരിശോധിക്കുന്ന ഈ സമാഹാരത്തിലെ കഥകൾ പെണ്ണെഴുത്തിന്റെ മാറുന്ന കാലത്തെ രേഖപ്പെടുത്തുന്നു.